〈好食〉尖沙咀韩国街头风　hoo韩国包车

【A&M Diary】以前我哋好锺意星期五放工就拎埋个箧去旅行，呢个係青春嘅回忆呀！喺韩国嘅街头，仲有唔少大排档，绝对係夜妈妈嘅宵夜推介。虽然好耐无去过韩国，但原来呢种地道风味已经杀入尖沙咀，呢间位于厚福街嘅hoo韩国包车，除咗有韩式地道嘢食之外，餐厅仲设计成韩国街头风，打卡都一流架！

辣辣无骨鸡脚
晚餐就由一碟中辣嘅辣辣无骨鸡脚开始，鸡脚爽脆又无骨，食嘅时候够晒方便。鸡脚嘅份量好多，加上辣度好有层次，非常开胃惹味。

招牌炒章鱼
呢个招牌炒鱿鱼係餐厅嘅招牌菜，唔算太辣，同样非常惹味。特别欣赏佢哋嘅鱿鱼，全部大大粒，烟靭又弹牙，好有口感。除咗章鱼，生菜索晒酱汁嘅精华，好好味！

街头鱼糕串串
锅连炉一齐上，食住鱼糕再饮热辣辣嘅汤真係好有韩国嘅感觉呀！鱼糕串有5串，起初仲觉得要同M佬争食，但原来锅入边仲有几件小鱼糕同萝蔔，材料都几丰富，鱼糕索晒味道清甜嘅汤底，係必叫之选。

甜辣炸鸡
炸鸡有分唔同size，呢个M size就有5件鸡，啱晒2至3个人食！鸡件即叫即炸，上枱嘅时候够晒热辣辣，值得一讚係唔会太厚粉，鸡皮脆卜卜而鸡肉够juicy。另外，鸡嘅外层布满甜辣酱汁，真係好yummy！

<

Tags：好食,尖沙咀,韩国,街头,hoo,包车,Diary,以前,我

转载：文章来自用户投稿不代表本站观点，如有侵权请联系我们。