〈好食〉任食超新鲜海鲜及高质肥牛　湾仔新南苑私房菜火锅鷄煲

【A&M Diary】出咗消费券就梗係要食餐好嘅满足一吓自己啦！今日就带A姐嚟到湾仔嘅新南苑私房菜火锅鷄煲，餐厅以学校为主题，除咗大礼堂，包厢更命名为实验室、家政室同图书馆等，我终于可以成为被A姐暗恋嘅学长喇！至于食物方面，我哋就拣咗至尊餐，除咗活海鲜拼盘之外，其他好似和牛、安格斯牛小排、海鲜等打边炉配料，连同鸡煲都係任叫任食，真係非常满足！食物选择超多，唔知餐厅可唔可以考虑整埋个操场，等我哋食饱饱可以做吓运动呢！

鬼马鸡煲
坐低攞好酱料之后，店员就会送上鸡煲，上枱嘅剎那已经闻到好香喇！但店员提醒为保持鸡肉嫩滑，所以上枱时未完全熟晒，要靠我哋好好控制时间，将鸡肉同香料拌匀，令每件鸡件煮得更入味。最尾就要加埋油炸鬼，令鸡煲进化成为鬼马鸡煲啦！至于味道方面，呢个鸡煲唔係主打麻辣，反而係主打层次。鸡肉非常嫩滑，索晒秘製酱汁，加上放咗唔同香料，令鸡肉嘅味道更有层次。至于最鬼马嘅油炸鬼真係又邪恶又好味，因为佢哋索晒成个鸡煲嘅所有精华，真係好滋味架！

冰镇鲍鱼
喺等紧打边炉嘅锅底之际，店员就送上冰镇鲍鱼。呢个冷盘可以话嚟得非常合时，可以refresh一吓自己，再食打边炉。鲍鱼非常爽口鲜甜，肉质有质感，但又唔会太硬实。

蕃茄香菇汤
食海鲜绝对唔需要太浓烈嘅汤底，呢个蕃茄汤够鲜甜，加上菇香，可以令海鲜嘅鲜甜味更突出。

活海鲜拼盘
最期待当然係海鲜啦！呢个拼盘有虎虾、马刀贝、台山蚝、帆立贝、大蚬同脆肉鲩，所有海鲜都够晒新鲜！虎虾大过一只手掌，虾头劲多虾膏，但最正都係虾肉超厚身，劲弹牙；马刀贝係我哋无限添加推介，贝身大大只，无沙又超鲜甜；至于台山蚝嘅蚝身涨卜卜，咬落去係会爆汁架；渌熟咗嘅帆立贝仍然够大粒，爽口弹牙；至于脆肉鲩无骨，鲜甜有咬口。

牛肉选择
我哋拣嘅至尊餐有5款牛肉选择，分别係美国SRF黑毛和牛肉眼、安格斯牛小排、美国RP肥牛心片、美国肥牛同本地手切牛颈脊。如果你係大胃王，就梗係每款都试齐再落order啦！但如果你想重点出击，我哋就有以下推介：

<

Tags：好食,任食超,新鲜,海鲜,高质,肥牛,湾仔,新南苑,南苑,私

转载：文章来自用户投稿不代表本站观点，如有侵权请联系我们。