〈好游〉极限运动放电打卡　将军澳单车馆公园

【A&M Diary】香港虽然係一个商业金融中心，但都有好多出色运动员，其中单车项目喺亚运会同奥运会屡获佳绩，出产唔少运动明星。除此之外，喺新界地区亦设有多条单车线，令踩单车成为唔少人放假嘅消閑活动或代步方式。今日我哋就嚟到将军澳嘅单车馆公园，呢度除咗可以租架单车，游走将军澳嘅单车径之外，亦设有世界级单车场馆同极限运动，啱晒大家嚟放电同出身汗啦！

提提你
香港单车馆内嘅室内赛道，并不开放让市民踩单车；而单车馆外嘅公园亦不是单车径。所以想踩单车嘅，可以去返附近嘅将军澳单车径。

香港单车馆
喺公园入面，最吸晴嘅当然係鹅蛋形设计嘅香港单车馆啦！当年香港因黄金宝喺2006年亚运会上赢得两面金牌，令香港掀起单车热潮。而政府为加强推广单车运动，斥资超过11亿港币兴建呢个场馆。单车馆鹅蛋形嘅外型，原来设计理念源自于单车嘅头盔，馆内设有室内单车赛道，更多次举办单车比赛。

单车馆设施
除咗单车赛道，馆内仲设有多用途球场、舞蹈室、健身室、儿童游戏室等设施。馆内仲有体育用品店、餐厅同租借单车服务。

另外，场馆内外都摆放唔少香港嘅单车展品，可以了解香港单车运动嘅发展同历史。

惊喜係香港主办2009年东亚运动会嘅吉祥物，喺呢度都见得到。

将军澳单车馆公园
设有缓跑径、攀石墙、儿童游乐场、长者健体设施、人工湖、中央草坪同模型船池。但公园内最特色嘅就係极限运动场，可以喺呢度玩滑板同X-game。不过，今日嚟到见到最高难度嘅区域就未有开放。

<

Tags：好游,极限运动,放电,打卡,将军,单车,公园,Diary,香

转载：文章来自用户投稿不代表本站观点，如有侵权请联系我们。