您现在的位置是：社会

〈好食〉高质粤菜推介　贴地价花胶扒　铜锣湾沣味馆

2021-07-24 18:00社会

简介【A&M Diary】有一种味道叫享受！话说A姐嘅屋企人好锺意食粤菜，作为未来女婿嘅我，脑海即刻浮现铜锣湾嘅沣味馆，呢度主打高质手工粤菜，其中代表菜式之一嘅巨型花胶扒，真係出得厅堂，而价钱够晒贴地亲民。适合嚟紧嘅长辈生日、父亲节、母亲节等庆祝聚餐，...

【A&M Diary】有一种味道叫享受！话说A姐嘅屋企人好锺意食粤菜，作为未来女婿嘅我，脑海即刻浮现铜锣湾嘅沣味馆，呢度主打高质手工粤菜，其中代表菜式之一嘅巨型花胶扒，真係出得厅堂，而价钱够晒贴地亲民。适合嚟紧嘅长辈生日、父亲节、母亲节等庆祝聚餐，绝对会令长辈们食到舔舔脷，对你安排非常满意！

金沙大刀脆鱼皮
你无睇错，呢个真係炸鱼皮呀！鱼皮超大块，上面布满起沙质感嘅金沙鹹蛋，所以食嘅时候除咗够香脆，仲充满无限满足感嘅鹹蛋香味，味道超香浓，真係好罪恶呀，但又忍唔到口係咁食。身为鹹蛋黄控必食！

鲍汁扣原件12头花胶扒
大家估吓呢只原件12头花胶扒几钱？答案係$368咋，所以眼见每枱食客都一定会order呢个菜。请恕我孤陋寡闻，呢只花胶有成两只手掌咁长，我真係未试过食花胶都可以用刀叉切嚟食，真係抵食过去食锯扒呀！加上花胶非常厚身，所以劲胶口，非常有口感。当然精华所在係佢哋秘製嘅鲍汁，够晒浓郁，花胶入晒味，非常满意！

鱼汤脆米海东星斑
呢道菜係另一个必点推介，记得订位时要预订埋呀！因为老闆要预先拣条新鲜、足2斤嘅东星斑，如果嗰段时间东星斑嘅质素未如理想，真係想食都无得食，可见餐厅对食物出品嘅执着呀！喺上枱之前，大厨特意将最后烹调步骤喺你面前处理，首先呈奶白色嘅鱼汤，原来係由4款海鱼熬製，将滚汤淋上东星斑同脆米之上，即时「咋」咗一声，真係非常治癒！期待已久，终于有得食喇！东星斑非常嫩滑，鱼肉爽口弹牙，食嘅时候完全无骨，啖啖肉。同样地精华当然係个鱼汤啦，汤底超鲜甜而且一啲都唔腥，加上无任何鱼骨鱼碎，非常滑口！

新鲜菠萝拔丝咕噜肉
咕噜肉真係好多人都好锺意食，但其实非常考功夫，而呢碟新鲜菠萝拔丝咕噜肉绝对係镇店之宝！呢度嘅咕噜肉特意选用猪颈肉，炸到外表脆卜卜，而裏面嘅肉质嫩腍，保持住肉汁。旁边嘅新鲜菠萝亦不容忽视，大厨特意用火枪轻轻烧过，带有焦香嘅烧菠萝，香甜多汁，非常醒胃。至于酱汁以山楂、蜜糖取代麦芽糖，以达到拉丝嘅效果。