〈好食〉主打北海道虾汤 荃湾一幻拉麵

【A&M Diary】近年，日本有唔少拉麵名店喺香港开设分店，过江龙嚟到香港嘅一幻拉麵，主打浓郁虾汁汤底，一直都係我哋嘅至爱！今次特登嚟到新开张，位于荃湾嘅一幻拉麵分店朝圣，因为呢度有荃湾独家限定嘅黑蒜虾汤，身为拉麵控嘅M佬，又点会错过呢！

招牌虾汤拉麵

每碗拉麵都係即叫即煮，先将虾油、猪油、蒜蓉同姜蓉爆香，最后放入拉麵同加入浓郁虾汁汤底再上枱。呢度嘅虾汤之所以浓厚又鲜甜，全因每日用至少50kg虾头熬煮而成。配料方面除咗叉烧同溏心蛋，最特别就係用上红姜、虾油炸到脆卜卜嘅虾味麵酥，以及虾头磨碎炒香嘅虾粉，令到虾味更丰富。加上拉麵非常挂汤，浓郁嘅虾味喺口腔迴荡，好好味呀！

黑蒜叉烧虾汤拉麵

继屯门分店独家限定嘅咖喱虾汤汤底之后，荃湾分店亦推出期间限定嘅黑蒜虾汤汤底！黑蒜无大蒜嘅刺激味道，反而带有酸甜香味，加上日本黑蒜油点缀，令汤底充满虾同黑蒜嘅浓郁甜香味，令味道更有层次！

甜辣甜虾椰菜沙律

呢个前菜好好味呀！虾乾甜甜辣辣，加上酸酸哋嘅沙律酱，好开胃好惹味。

<

Tags：好食,主打,北海道,虾汤,荃湾,一幻拉,Diary,近年,日

转载：文章来自用户投稿不代表本站观点，如有侵权请联系我们。