[香港Staycation] CP值超高五星 千禧新世界酒店

【A&M Diary】香港嘅五星级酒店好多，当中唔少都係行气派奢华路线。至于今个星期嘅Staycation，我同M佬就book咗位于尖东，前称日航酒店嘅千禧新世界酒店玩番晚。坊间对于千禧新世界酒店staycation嘅介绍唔多，所以喺我出发前可以话係完全无期待。但玩完呢两日一夜之后，完全觉得物超所值，性价比超高呀！

酒店大堂

酒店位于尖东，距离红磡站或尖东站约10分钟步程，交通非常方便；而酒店附近亦有超级市场，同劲多餐厅选择。如果带小朋友嚟嘅，不妨顺便去埋附近嘅香港历史博物馆同科学馆参观，咁呢个两日一夜staycation就够晒行程丰富啦！

前身为日航酒店嘅千禧新世界酒店，仍保留唔少前身嘅设计及建筑，酒店实而不华，楼高15层，并提供464间客房及套房。lobby楼底高，虽然欠缺华丽嘅气派，但空间感十足。至于整个checkin过程非常流畅，柜檯职员嘅服务亲切又带有笑容。至于平时book完staycation之后，到入住通常都唔记得套票嘅内容，但呢度值得一讚嘅係，职员会详细讲解我哋今次staycation套票所包嘅每一个项目，够晒细心！

房间区域

我哋今次入住位于12楼嘅聚贤荟城景客房，景观以附近尖东一带嘅建筑物为主。房间面积为330-390呎，房间面积非常大，空间感十足。双人床属于King size，床褥软硬度适中，而床单非常柔软，枕头总共有4个，加上窗帘嘅遮光度十足，令今次嘅入住真係瞓得非常舒服。床嘅两边都有房间灯光控制键同窗帘控制键，临瞓嘅时候就可以好方便咁熄灯同闩窗帘瞓觉啦！房间内有唔少插头充电，但只有两个蓝牙喇叭附设嘅USB充电位。

房间嘅书枱以光洁透明嘅玻璃为枱面，位置虽然唔大，但插头位劲多，啱晒我哋喺度写吓稿啦！边度有张梳化同小餐枱，酒店已预先放上欢迎水果，有橙、苹果同青苹果。

电视频道嘅选择好多，除咗本地电视台，仲有唔少海外嘅卫星节目选择。如果都係唔啱你心水嘅，酒店仲有自家嘅电影系统，有唔少staycation package都包埋入住期间任睇，电影选择又多又够新，我哋呢两日就煲咗劲多想睇好耐嘅电影喇！

房间内嘅mini bar有6个免费茶包、2枝水同2包三合一咖啡包，另外仲有收费嘅薯片。至于雪柜内有5款饮品，包括可乐、汤力水、梳打水、蒸馏水同橙汁。至于今次我哋嘅package係包一枝红酒同mini bar内嘅饮品，所以可以好chill咁煲剧啦！

i4itr.jpg" />

浴室区域

浴室乾湿分离，设有浴缸同企缸，啱晒想浸浴嘅朋友啦！另外座厕亦有洗pat pat功能，而厕所板就有保暖系统，坐落去真係好舒服。至于个人用品亦十分齐全，包括牙刷、牙膏、梳、浴帽、化妆棉等，而洗头水、沐浴露、护髮素同润肤露就用英国嘅Elemis品牌，非常啱我心意！

另外，房内亦设有独立嘅衣帽间，面积非常大，提供浴袍、拖鞋、体重磅、风筒、夹万、熨斗、烫衫板同收费嘅洗衫服务。

娱乐设施

除咗房间嘅电影系统，酒店嘅娱乐设施仲有健身室同游泳池。健身室设有跑步机、单车机、划艇机、哑铃等等，设备非常齐全。至于，泳池设于酒店嘅顶层，喺度晒吓太阳同轻轻鬆鬆游吋水都唔错?！?

餐饮服务

酒店设有7间餐厅，我哋今次嘅staycation就包咗自助早餐同贵宾室服务。

Residence Lounge & Bar

入住聚贤荟客房嘅我哋，包埋全日无限次贵宾室服务，贵宾室全日都有提供免费嘅嘢食同饮品，其中每日嘅17:00-20:00就係happy hour时段，为住客提供免费嘅酒精饮品。

喺入住期间，贵宾室内无间断提供三款热食、三文治、麵包、蛋糕、朱古力等嘢食；饮品就有咖啡、茶、汽水同果汁。至于happy hour时段提供嘅酒精饮品，除咗啤酒，仲有鸡尾酒、红酒、白酒、有汽酒等选择，非常丰富。但最正嘅係呢度嘅夜景，因为贵宾室位处酒店嘅高层，可以望到维港对岸嘅景色。

<

Tags：香港,Staycation,超高,五星,千禧,新世界,酒店,

转载：文章来自用户投稿不代表本站观点，如有侵权请联系我们。