〈好游〉夏天玩水真的很兴奋 元朗大棠盛夏森林

【A&M Diary】放暑假就梗係要玩尽佢啦！计我话夏天玩水真的很兴奋，所以我哋weekend就嚟到元朗大棠盛夏森林，呢度设有多条水上滑梯，又有适合小朋友嘅戏水设施，既可以消暑又可以尽情享受刺激快感！加上盛夏森林设有市集同表演，气氛非常热闹，真係好似去咗台湾啲夏日趴呀！

门票

HK$88起，分为夜间及全日门票，唔同日子以及唔同区域，都会以唔同嘅手带分辨，如果想玩水就记住选购水动森林嘅门票喇！购买门飞，可于Klook平台选购及预订日子。

贴心防疫措施

喺疫情期间，玩水上活动最紧要係玩得放心，所以场内採取以下措施，令大家玩得安心！
1.场内所有人士，包括职员、访客同游玩人仕必须全程戴上口罩，如果玩水玩到口罩湿咗，园内亦提供免费口罩供游客替换，
2.盛夏森林内嘅水已经过全面消毒并获得认证，各区域亦会进行定时清洁及消毒，
3.入场前除咗要扫描 “安心出行” 或填写个人资料表格，而进入园区时，必须通过消毒通道，
4.所有人仕进入盛夏森林前，必须接受体温检测，如体温高于37.5°C、出现呼吸道感染病徵或忽然失去味觉或嗅觉，将不准进入。

前往方法

1.自驾游：于地图搜寻「大棠有机生态园」，全日泊嘅停车费用为HK$80，
2.接驳小巴：于港铁朗屏站 (B1 出口) 乘搭红色小巴，直达盛夏森林场地。 收费为每位每程HK$10，
3.港铁巴士：于港铁朗屏站 (B1 出口) 乘搭K66接驳巴士到大棠山道路口下车，沿小路步行约15分钟即可到达，
4.专线小巴：喺元朗千色广场斜对面乘搭 <元朗至大棠> 红色专线小巴，到达总站再沿小路步行约15分钟便可到达。

盛夏森林

分为三个游乐区：
原野森林 – 设有滚筒竞技及摊位游戏，区来亦设有救护站同纪念品店，想同园内员工大玩水枪，呢度亦有得卖
乐活森林 – 设有餐饮市集同舞台表演
水动森林 – 设有多条适合大人同小朋友玩嘅水上滑梯。场内设有洗手间、更衣室、沖洗区同储物室。另外，员工亦会手持水枪，同大家玩水战，如果唔想湿身，就记住贴上呢个贴纸喇！

百米滑道@水动森林

长达100米嘅滑梯，只需要5秒就由最高点滑落，劲多尖叫声，够晒刺激！玩左几次之后，坐喺度玩已经满足唔到我哋，所以可以试吓趴喺度sir，冲力更快更刺激。（只适合12岁或以上或身高150厘米或以上的游玩人士参加）

大象物语@水动森林

又大象鼻滑直接滑落水池，速度算快，适合喜欢速度嘅小朋友。（只适合4 – 11岁或以上及身高100厘米或以上的游玩人士参加）

高抛滑梯@水动森林

接近垂直，临落水前滑道会往上轻微抛起，快至2秒冲入水中。（只适合12岁或以上或身高150厘米或以上的游玩人士参加）

森林之王障碍赛@水动森林

全长约100米，设有个障碍关卡。一开始跑上9米高滑梯，再高速滑下，之后手脚并用爬过唔同斜坡及障碍物。速度同体力决一不可，挑战以技术同最快速度到达终点。（只适合6岁或以上或身高120厘米或以上的游玩人士参加）

猩林探险@水动森林

由三条高矮唔同嘅滑梯组成，小朋友可以随意喺水池同滑梯内穿梭，係小朋友放电嘅好地方。（只适合4 – 11岁或以上及身高100厘米或以上的游玩人士参加 – 小童门票）

泰山飞索@水动森林

到达8米高的滑索顶部飞跃到对岸，呢个项目相对冇咁易湿身。（只适合12岁或以上或身高150厘米或以上的游玩人士参加）

嚮食森林@乐活森林

玩到攰就可以嚟到乐活森林内嘅嚮食森林，呢度嘅嘢食仲有好多选择，最重要係价钱一啲都唔贵，食完又可以入去再玩过！

大围啤 – 热辣辣最啱就係饮番杯啤酒，啤一啤佢！呢度嘅手工啤係由香港大围製造，够晒新鲜。手工啤酒嘅口味加入茶，例如加入玫瑰正山普洱、伯爵茶、热情果茉莉、洋甘菊，令啤酒除咗带有麦嘅香甜味，亦有茶嘅香味！特别锺意热情果茉莉嘅大围啤，酸酸甜甜嘅热情果加上茉莉嘅香味，味道好有层次又够解喝。

大棠荔枝木香烧鸡 – 如果想食荔枝木香烧鸡，记住要提早30分钟预约。除此之外，呢度亦有炸鸡等小食。

Cafe de Forest – 想饮杯台式饮品或咖啡？就可以选择Cafe de Forest！呢度仲有蛋糕、麵包等嘢食，可以自製一个mini high tea啦！

小食店 – 小食店嘅选择超多，有炸鱼薯条、椒盐鸡软骨、炸金龙烧卖、油麻地小轮麵等等！记住一定要食椒盐鸡软骨，炸得好香口，而且鸡软骨大大粒，食嘅时候好有口感，配埋啤酒就最夹喇！

绿元市集@乐活森林

食饱饱之后，可以顺便行埋旁边嘅绿元市集，呢度设有手绘同手作工作坊。

<

Tags：好游,夏天,玩水,真的,兴奋,元朗,大棠,盛夏,森林,Dia

转载：文章来自用户投稿不代表本站观点，如有侵权请联系我们。