〈好食〉旺角在地人米线推介 胜利道占占酸辣米线

【A&M Diary】食米线真係会上瘾?，但当同一间米线食得多，有时都会想转吓场，刺激一吓味蕾。近日，我哋得到旺角在地人米线推介，嚟到位于胜利道嘅占占酸辣米线，呢度酸辣嘅比例啱啱好，加上店舖新开张，所以店主好有诚意，仲询问我哋食后感，希望继续用心经营！

沙嗲屋村三宝
呢间米线餐厅无常见嘅土匪鸡翼，反而就有呢个经典港式小食：沙嗲屋村三宝！三宝分别係猪皮、牛柏叶、鱿鱼，特别一讚沙嗲味超浓，仲有粒粒花生，味道好有层次！至于猪皮同牛柏叶劲索汁，好入味！

炸墨鱼春卷
即叫即炸，外皮炸到脆卜卜，春卷入面有劲多墨鱼粒粒，好有口感。如果有埋泰式辣酱就更惹味喇！

鸡丝、腩肉、腐竹酸辣米线（中辣）
呢度嘅餸有成30款选择，真係花多眼乱呀！我就叫咗酸辣汤底，上枱就梗係要饮啖汤先啦，入口先嚟一阵酸味，而辣味紧随，酸同辣嘅比例啱啱好，好有惊喜，更重要係汤好够热！至于餸同米线嘅份量好多，鸡丝嫩滑、腩肉肥瘦适中、至于腐竹劲索汤，绝对係必叫项目。

鱼腐、鸡翼、萝蔔麻辣米线（中辣）
M佬唔食酸，所以就叫咗麻辣，同样上枱就要先饮啖汤啦！闻上去好香麻味，相信用咗好多香料製成，麻味好有层次，一开始食嘅时候觉得唔算太辣，但后劲凌厉，越食越辣，够晒刺激！鱼腐够爽口、鸡翼滷水味香、萝蔔鲜甜无渣。

<

Tags：好食,旺角,地人,米线,推介,胜利,道占,酸辣,Diary,

转载：文章来自用户投稿不代表本站观点，如有侵权请联系我们。