15周年庆祝活动 香港迪士尼乐园《迪士尼寻梦奇缘》

【A&M Diary】迪士尼乐园除咗係一个浪漫嘅国度，亦係一个大家追寻梦想嘅地方，为延续香港迪士尼乐园15周年嘅庆祝活动，喺城堡外嘅大舞台上演全新户外音乐派对：迪士尼寻梦奇缘！除咗米奇同米妮等迪士尼朋友之外，仲有首次喺香港迪士尼乐园登场嘅《玩转极乐园》主角米哥，同大家载歌载舞，所以今个假期同A姐入去迪士尼打卡enjoy寻梦假期啦！

提前预约
提提大家，所有宾客 (包括乐园门票持有人、「奇妙处处通」会员同免费门票持有人) 都要喺到访乐园前，先喺香港迪士尼入园预约网站预约到访日期。「奇妙处处通」会员就可以优先喺到访前8日内预约，而其他宾客就可以喺到访前 7 日内预约。喺预约过程中，宾客要作出健康声明。如果有出现发烧或呼吸道感染病徵，于过去 14 日到访香港以外嘅地方或者密切接触过新型冠状病毒病感染确诊者，正接受强制检疫嘅人都唔可以进入乐园。如果预约成功，你将会收到短讯或者电邮确认，去到乐园记住要出示返已经登记嘅门票或者会员卡，就可以入场啦！

迪士尼寻梦奇缘
香港迪士尼乐园15周年嘅压轴活动，推出全新户外音乐派对：迪士尼寻梦奇缘！由一班歌手现场演绎原创主题曲「Follow Your Dreams」揭开序幕，并演唱九首迪士尼动画嘅歌曲，让我哋陶醉20分钟嘅音乐世界。

表演当然唔少得米奇老鼠、米妮老鼠、唐老鸭、黛丝同高飞啦，但最惊喜係首次喺香港迪士尼登场嘅《玩转极乐园》主角米哥，演唱获得奥斯卡原唱歌曲嘅电影主题曲：「Remember Me」！紧接嘅就係《优兽大都会》嘅歌曲「 Try Everything」，两首歌都提醒我哋要珍惜喺追梦旅途中，陪伴同鼓励我哋嘅人。之后仲有勇敢追梦嘅公主宝嘉康蒂、慕安娜、爱莎女王，唔少歌曲都经过重新编曲，带嚟耳目一新嘅感觉！

Pixar 水花大街派对
睇巡游绝对係入嚟迪士尼乐园一个好重要嘅节目，嚟到夏天嘅巡游就加入玩水环节，一齐降吓温啦！今次嘅Pixar 水花大街派对就加入咗《1?2的魔法》两位主角仁仔同肥巴、《反斗奇兵》 嘅胡迪、牧羊女宝贝同翠丝、《玩转脑朋友》 嘅阿乐与阿愁、《沖天救兵》嘅卡叔同罗小飞，阵容够晒新鲜感，真係好有气氛。

迪士尼酒店 – 手工艺工作坊
如果入住迪士尼乐园嘅酒店，仲可以参加酒店内嘅活动，今日我哋参加嘅手工艺工作坊就回应番迪士尼寻梦奇缘，製作高飞嘅风筝小摆设喇！

迪士尼寻梦奇缘 – 全新餐单
除咗有全新表演可以打卡之外，亦有全新餐单，等你可以用味觉感受「Follow Your Dreams」嘅美食，例如《反斗奇兵》主题蛋糕、《玩转极乐园》系列曲奇爆谷、爱莎女王皇室盛宴等。

<

Tags：15周年,庆祝活动,香港,迪士尼,乐园,迪士尼寻梦奇缘,Di

转载：文章来自用户投稿不代表本站观点，如有侵权请联系我们。