〈好食〉主打天妇罗 旺角天吉屋

【A&M Diary】天妇罗一直都唔係A姐嘅最爱，无论去放题定日式和食店，佢都同天妇罗绝缘，除咗呢间位于旺角朗豪坊嘅天吉屋。天吉屋係嚟自日本东京嘅过江龙名店，更连续五年荣获日本丼联盟天丼金赏奖嘅光环，天妇罗即叫即炒，加上鬆脆嘅口感，就打动咗A姐喇！

无限添加
待餐期间，店员就会送上沙律菜，加埋柚子醋一齐食就宁舍开胃，特别适合依家夏天炎热嘅季节。另外，枱上面放有牛蒡渍物同腌製萝蔔，仲有解喝嘅牛蒡茶，全部都係无限量添加！

天幕御膳
无论係第一次嚟天吉屋，定係第N次嚟到，都一定会叫天幕御膳！因为天幕御膳可以一次过体验三种食法：第一个方法，就係最基本嘅天妇罗食法，直接将天妇罗点上加入萝蔔蓉嘅酱汁；第二个食法就相对适合浓味嘅朋友，将天丼酱汁+白饭+天妇罗一齐食；而第三个食法就係加入鲣鱼汤变成泡饭。至于呢个定食有黑虎虾天妇罗、海红鲷配紫苏叶天妇罗、软壳蟹天妇罗、洋葱天妇罗、鱿鱼天妇罗、茄子天妇罗、南瓜天妇罗同紫菜天妇罗。天妇罗炸浆够薄，香酥脆口。呢度嘅黑虎虾天妇罗绝对唔会令你失望，因为虾身够厚，非常弹牙，好有口感。顺带一提，天幕御膳嘅白饭係无限添加?！

软壳蟹丼
除咗黑虎虾天妇罗，呢度嘅软壳蟹天妇罗都唔会令你失望，所以我哋特登叫咗一个主打软壳蟹嘅软壳蟹丼。软壳蟹天妇罗份量好多，除咗唔係软壳嘅蟹盖同蟹钳之外，成只蟹基本上齐晒。啲蟹脚上面仲带有劲多蟹膏，好滋味又够满足。呢个丼饭上面除咗软壳蟹，仲有南瓜天妇罗、茄子天妇罗、温泉蛋天妇罗同杂锦天妇罗。不过略嫌饭就比较少，同埋呢个丼嘅白饭係唔可以无限添加。

<

Tags：好食,主打,天妇,旺角,天吉,Diary,天妇,罗一直,一直

转载：文章来自用户投稿不代表本站观点，如有侵权请联系我们。