〈好食〉精緻打边炉 铜锣湾禾庭手工火锅

【A&M Diary】打边炉嘅食材同汤底同样重要，我哋就特别锺意用老火汤嘅汤底，喺打边炉前饮啖靓汤，再用细腻嘅汤底配上精緻嘅食材，咁至够满足！今日嚟到铜锣湾港铁站C出口正对面，新开嘅禾庭手工火锅，地理位置够晒方便，最重要係价钱一啲都唔贵，就可以叹个高质火锅。

霸王藏娇锅
霸王藏娇锅入面有黄油鸡、南瓜、竹笙、桃胶同花胶，汤底充满香浓嘅鸡汤味，味道清香唔会过鹹，感觉无落味精。至于黄油鸡有半只，待汤底滚起就食得，鸡肉嫩滑，就连鸡胸肉都唔会嚡口；南瓜鲜甜；竹笙索汤惹味；桃胶份量超多；但就略嫌花胶份量较少。

宫庭格格肉
格格肉其实即係切粒猪颈肉，格格肉嘅肉质爽口，好有口感，猪肉味浓郁。

手作芫荽皮蛋豚肉饺
呢个手作芫荽皮蛋豚肉饺绝对係必点项目！呢个水饺嘅味道好似饮紧芫荽皮蛋汤，芫荽味道香浓，裏面仲有皮蛋粒粒，加上适当嘅豚肉份量，令一啖咬落去嘅时候完全爆汁，直头係饮紧芫荽皮蛋汤一样！

黑松露墨鱼滑
黑松露嘅味道好出，墨鱼爽口弹牙，啖啖墨鱼滑都充满黑松露同墨鱼嘅香味，喺口入边迴肠荡气。

<

Tags：好食,精緻,打边,铜锣,湾禾,手工,火锅,Diary,打边,

转载：文章来自用户投稿不代表本站观点，如有侵权请联系我们。