〈好食〉醉蚝纪念日 尖沙咀Oasis Bar & Grill

【A&M Diary】一年一度嘅纪念日，就梗係要搵间有情调、质素又高嘅餐厅，咁先可以突显我对A姐嘅重视嘛！嚟到尖沙咀诺士佛台嘅Oasis Bar & Grill，餐厅以大自然为主题，有唔少打卡位，满足视觉享受。至于食物方面，我哋就拣咗以蚝为主打嘅套餐，同最美的人分享今个夜晚。?

Refreshing Passion

食饭之前就叫杯饮品chill吓先，因为今日揸车，所以我哋叫咗无酒精嘅mocktail。特别推介呢杯Refreshing Passion，加入咗无酒精嘅蒸馏酒、柚子蜜、热情果浆、苹果汁、柑橘、薄荷叶同梳打水，味道非常清新，味道甜甜酸酸又带有少少回甘，够晒解喝。

Lips of an Angel

另一杯嘅Mocktail就拣咗Lips of an Angel，以富士苹果汁同白桃蓉做主调，加上玫瑰浆、柑橘同梳打水，而杯边仲有玫瑰花瓣做点缀，味道鲜甜，呈粉红色，非常适合想打卡嘅少女心。

Parma Ham & Fig Salad

前菜方面就拣咗Parma Ham & Fig Salad，鹹香十足嘅巴拿马火腿肉味香浓，油香丰富；配有新鲜无花果、罗马生菜同柠檬柚子汁，配埋一齐食，中和左肉嘅鹹味，好match。

Oyster Platter

套餐嘅生蚝拼盘有三只，分别係爱尔兰嘅Irish Rock、法国嘅St. Martin同Mont Blanc。Irish Rock嘅海水味相对淡身，但反而更突显蚝嘅甘甜；St. Martin嘅味道层次丰富，入口除咗有海水鲜味，细味品嚐，就可以体会到甜味同矿物味道，余韵悠长。至于Mont Blanc肉身柔滑、好肥美，鲜甜又creamy。

Lobster Bisque

汤料同汤分开上，咁样可以保存汤料嘅口感。特别一讚係用茶壶装住嘅汤，份量有成两碗，真係好大方呀！龙虾汤好creamy，味道超浓郁，而入口柔滑。

Oyster Bisque

同样地汤料同汤分开上，而份量係超多呀！汤底用咗大量广岛蚝打成，汤底非常鲜甜，汤料仲有原只广岛蚝，蚝身细只但饱满，真係好满足。

Oasis Bouillabaisse

主菜方面就拣咗餐厅signature嘅Oasis Bouillabaisse，锺意食海鲜嘅你一定唔可以错过！海鲜有海鲈鱼、大蚬、青口同带子等，每样海鲜都够晒新鲜。特别锺意带子，煮到半生熟，口感一流；至于海鲈鱼完全无骨，啖啖肉，够嫩滑。当然所有精华都喺晒个汤底度，充满着海鲜嘅鲜甜味。

Grilled Rib Eye Steak

另一份主菜就叫咗肉眼扒，肉眼烤到呈坑纹，望上去已经好吸引，肉质嫩滑、牛味浓郁，但扒就略嫌薄咗啲喇。至于配料有薯仔、芦笋同翠玉瓜。

<

Tags：好食,醉蚝,纪念日,尖沙咀,Oasis,Bar,Grill,

转载：文章来自用户投稿不代表本站观点，如有侵权请联系我们。