〈好游〉前面转弯大丸有落吖 佐敦小巴文化资料馆

【A&M Diary】搭小巴绝对係一个心理战，特别係第一次坐嘅路线，嗌落车真係一个大难题。话虽如此，但小巴却係代表香港人嘅一种生活文化。今日我哋就嚟到全港首间，位于佐敦嘅小巴文化资料馆，呢度展出一系列红van嘅历史资料，其中1:1嘅红van车头，更加係影相打卡热点。

小巴文化资料馆

资料馆嘅面积虽然唔大，但就有由1965年至今，有关小巴嘅剪报同历史相片、旧式铁皮钱箱同车头目的地挂布等。

馆内最受欢迎嘅展品，当然就係呢个1:1嘅红van车头啦！呢?小巴除咗引擎同冷气之外，其他例如车头灯、舦盘、波棍、水拨、车头电动牌布机都係郁得?！再细心睇吓，连红van常见嘅散银架同手写小巴牌插都有?！

补充：由于疫情关係，资料馆目前只接受团体预约到访，或可以参加不定期举办嘅导赏团同工作坊，以了解香港小巴历史。

香港小巴历史

香港小巴牌照分公为红色公共小巴同绿色专线小巴两种，早期小巴载客量係14座位，至依家最多为19人。因为红van嘅规管较少，所以政府透过唔同制度限制红van经营，所以截至2017年3月，全港只有1064架红色小巴，相反绿色小巴就有3,286架，相信不久将来，红色小巴会越嚟越少，甚至成为历史。

<

Tags：好游,前面,转弯,大丸,落吖,佐敦,小巴,文化,资料馆,Di

转载：文章来自用户投稿不代表本站观点，如有侵权请联系我们。