【香港Staycation】月租罕有宠物欢迎服务式住宅　香港莎玛炮台山服务式公寓

【A&M Diary】土地问题除咗係历任政府嘅难题，亦係唔少香港人嘅生活所需。想过二人世界、追求私人空间？除咗weekend嘅Staycation，月租酒店近期都有唔少优惠，租期比租楼有弹性，更重要係可以享受酒店式嘅服务添！位于港岛区嘅莎玛炮台山服务式公寓（Shama Fortress Hill Hong Kong），无论係新婚嘅二人世界，定係一家四口嘅小康之家，莎玛炮台山服务式公寓都有唔少房型选择，更大卖点係欢迎宠物入住，今次我同M佬趁屋企装修，就带埋我哋嘅B狗嚟住一排啦！

服务式住宅大堂
莎玛炮台山服务式公寓位于炮台山港铁站旁边，步程仅需1分钟；而除咗港铁，亦可选择乘搭电车同前往各区嘅巴士路线，地理位置真係无得输呀！另外，服务式住宅附近就有超级市场、便利店同餐厅食肆，生活配套非常方便，啱晒长住嘅住客啦！

大堂位于2楼，设有免费嘅capsule咖啡同茶，喺办理check-in嘅时候，就可以叹住杯咖啡了解入住须知。另外，平时住客亦可以嚟到大堂，免费享用咖啡同茶?！服务式住宅楼高19层，提供115间客房，房型以唔同面积分为一房一厅、一房两厅、两房一厅同两房两厅等间隔，适合唔同人士选择。

另外，近年饲养宠物风气盛行，所以服务式住宅亦兼顾宠物住客，设有专用嘅电梯，欢迎宠物入住，连我哋嘅B狗都表示入住愉快呀！

房间大厅
Check-in完之后，需要利用匙卡搭电梯前往入住楼层，保安度高。我哋入住嘅房间係两房两厅连露台，係呢间服务式住宅其中一间最具代表性嘅客房。房间大厅呈正方形，採光到十足，中间放有大大张梳发同茶几，一家人可以坐喺度睇吓电视，閑话家常。电视频道选择甚多，除咗一般嘅本地免费电视频道，亦有其他国家频道，睇波睇戏都有唔少选择。如果咁多个频道都唔啱睇，房间亦有DVD机同音响系统，可以喺2楼嘅大堂租借港产及中外电影，客厅即时变成私人电影院。

至于饭厅就有一张长长嘅餐枱，除咗可以聚餐食饭，亦可以成为办公枱。

值得一题係每间房间都有专属嘅房务员，除咗一般嘅房间打扫同每星期两次更换床上用品及毛巾之外，佢亦都会了解你嘅生活习惯，让你喺入住嘅时候更加舒适写意。

房间区域
客房内设有两间套房，房间位于内街，相对较静，而其中一间房，仲望到少少海景添，够晒开扬。两间套房嘅双人床属于Queen size，係莎玛特製嘅Slumber睡床配特柔软床垫，软硬度适中，床单非常柔软，加上窗帘嘅遮光度十足，喺度瞓觉真係非常舒服。床嘅两边都有床头柜，放吓眼镜或电话都得，而其中一间房仲有蓝芽喇叭，除咗听歌仲可以透过喇叭作为USB充电位呀！而每间房间都有电视，临瞓前睇吓电视放鬆吓都唔错。另外，衫裤鞋袜比较多嘅朋友亦可以放心，两间房间都有大大个衣柜?！顺带一提，衣柜内亦设有电子保险箱。

浴室区域
话明套房，所以两间房间都有独立浴室，浴室乾湿分离，其中一间係浴缸，另外一间係企缸，想浸浴定淋浴，悉随尊便。服务式住宅亦有提供牙刷、牙膏、浴帽、拖鞋、剃鬚刀等个人用品，其中沐浴露、洗头水、护髮素同润肤露更加係澳洲品牌METIS添！

<

Tags：香港,Staycation,月租,罕有,宠物,欢迎,服务,住

转载：文章来自用户投稿不代表本站观点，如有侵权请联系我们。