〈好游〉大屿山自驾游 十二大必游景点

【A&M Diary】当年我同A姐学车就係想去旅行嘅时候可以轻轻鬆鬆自驾游，但考车合格再等多1年之后，就遇上世纪疫情，令自驾游计划一直搁置。Weekend放假只可以留喺香港，揸住我哋架砵砵车四围去，好似元朗呀、西贡呀、大埔呀等地方游车河，顺便练吓车。直至我哋成功申请大屿山自驾游计划，呢条路线真係同平时市区路线好唔一样，劲有旅行feel，一于睇吓我哋嘅申请禁区纸懒人包同行程攻略啦！

大屿山自驾游计划
市民可以喺一个月前于网上申请大屿山自驾游许可证，并于系统输入申请人及私家车资料，再选择驶入大屿南嘅日期（星期一至星期五上午8时至下午7时，公众假期除外），并于网上缴付HK$75许可证费用。输入所需资料及付款后，你会即时知道申请结果（每日名额25个，以先到先得方式发出）。如果申请日期与进入日期相隔5个工作天或以上，运输署就会将许可证邮寄至阁下地址。

大屿山自驾游申请资格
1.申请许可证之车辆必须是私家车
2.私家车进入屿南当天，必须获发有效的车辆牌照
3.每部私家车每个月只可参与「大屿山自驾游」计划一次
4.获发许可证嘅车辆驾驶者，必须持有有效嘅香港正式驾驶执照。

大屿山禁区纸申请攻略
1.大屿山禁区纸名额有限，想去大屿山自驾游必须预早一个月申请
2.出发时必须将许可证贴于车头挡风玻璃上
3.大屿山之道路经常有牛只出没，谨记小心驾驶
4.部份大屿山路段较斜及窄，驾驶时留意车速，小心至上

1. 石壁水塘
晨早出发去大屿山玩自驾游，第一站就梗係要食份地道早餐啦！喺前往深屈村食早餐途中，我哋经过一个好靓嘅水塘，原来呢度就係全港第三大储水量嘅石壁水塘。自驾游嘅最大乐趣就係可以随时停低架车，影吓相再出发！

2. 深屈村
同A姐自驾游大屿山，早餐唔通食东涌快餐店咁无诚意咩？所以做吓功课，嚟到位于沙螺湾同大澳之间嘅隐世村落：深屈村。平时除咗村民，就只有行东澳古道嘅行山人仕会嚟到深屈村作中途休息。深屈村有3间士多，我哋就拣咗坤叔茶座，早餐一于蚝一蚝，试吓深屈名物：蚝饼。

3. 昂坪
香港有好多唔同嘅旅游景点，而香港旅游发展局向外宣传嘅旅游片段，头三名一定离不开太平山顶、维港夜景同位于大屿山昂坪嘅天坛大佛。作为香港其中一个最重要嘅旅游景点，天坛大佛嘅魅力之处又係咩呢？

4. 观音寺
大屿山有唔少道场，最为人所认识嘅当然就係宝莲禅寺同旁边供奉如来佛祖嘅天坛大佛啦！除咗宝莲禅寺，另一个名气相对较高嘅就係供奉观音嘅观音寺。自此如来佛祖同观音大使就坐落喺大屿山守护住呢个地方。位于羌山嘅观音寺初建于1909年，公共交通唔算太方便，所以成为今次我哋大屿山自驾游必到嘅景点之一。

5. 灵隐寺
以前细个去亲大屿山，午餐一定係食斋嘅！因为大屿山有唔少道场，其中最为人熟悉嘅当然就係宝莲禅寺啦！不过难得嚟自驾游，就梗係要去啲交通相对无咁方便嘅地方参观，所以我哋嚟到灵隐寺，顺便嚟呢度食斋菜做午餐。

6. 大澳
嚟大屿山自驾游又点少得去大澳玩呢？大澳被誉为香港威尼斯，係一个深受大家欢迎嘅週末打卡热点。大澳水城内最出名嘅当然係虾膏同虾酱啦，嚟到就梗係要买啲手信返屋企。除此之外，大澳亦有唔少必食必玩嘅景点，今次A姐M佬就嚟一个大澳深度自驾游！

7. 虎山观景台
喺大澳水城内除咗吃喝玩乐，其实仲可以轻轻鬆鬆咁郊游同行吓山，我哋就行咗上虎山，除咗喺高处睇到大澳嘅全景，仲有一条红色栏杆俾大家打卡添，简单易行，半个钟就到顶喇！

8. 长沙海滩
长沙泳滩係全港最长嘅泳滩，全长3公里，分为上长沙同下长沙。喺下长沙海滩可以参加唔同类型嘅水上活动、喺海边餐厅叹个lunch、去星空露营车玩Glamping同BBQ等等，真係一个适合夏天渡假嘅地方！

9. 塘福海滩
沙滩附近设有多间异国风情餐厅，令你有置身于外地嘅感觉。海滩更提供了唔同嘅水上活动，好似滑浪板同独木舟等等。沙滩上之沙粒黜黑，其幼如粉。塘福泳滩海床较浅，风浪大而急速，不适合游泳初学者，但就吸引滑浪者嚟呢度练习。

<

Tags：好游,大屿山,自驾游,十二大,必游,景点,Diary,当年,

转载：文章来自用户投稿不代表本站观点，如有侵权请联系我们。