〈好食〉长洲在地人米线推介 火车头酸辣小窝

【A&M Diary】通常大家去长洲都bookmark咗唔少小食名物，好似芒果糯米糍、大鱼蛋等等。但今日我哋嚟长洲唔係扫街，因为有长洲在地人推介好味米线俾我哋，所以就嚟到火车头酸辣小窝试吓蚬肉米线汤啦！

蚬肉紫菜汤猪颈肉米线
食米线通常都係食酸辣汤底或麻辣汤底，呢度都有，但在地人推介，如果第一次嚟一定要食蚬肉紫菜汤底，真係无介绍错呀！

上枱第一时间先饮啖汤，汤底充满紫菜同蚬肉嘅精华，好鲜甜呀！蚬肉份量劲多，足足有二十只，完全无沙，尚算肥美！紫菜当然都无沙，好香。至于加配嘅猪颈肉就正正常常，软腍入味。最后差唔多饮晒个汤，但一啲都唔口渴。

<

Tags：好食,长洲,地人,米线,推介,火车头,酸辣,小窝,Diary

转载：文章来自用户投稿不代表本站观点，如有侵权请联系我们。