〈好游〉维港黄昏游船河　天星海港游

【A&M Diary】唔知你哋锺意睇日出定日落多啲呢？我同M佬都锺意日落，除咗因为日落期间嘅magic moment之外，更重要係唔洗早起身，而且睇完日落仲会附送埋浪漫嘅夜景添！要数香港最靓嘅日落，又点少得维港呢？M佬今日就带我玩天星海港游，坐住世星观光轮欣赏维港两岸嘅日落同夜景，真係好浪漫呀！

天星海港游
喺1999年天星小轮就被《国家地理旅游杂誌》列为「人生50个必到景点之一」！如果想细味维港，慢慢咁欣赏两岸景色，天星海港游就更加适合，一个小时嘅航程，可以不停打卡影相，其实香港真係好靓呀！

尖沙咀天星码头
当中环同湾仔嘅天星码头重建，位于尖沙咀嘅天星码头更有历史嘅韵味。天星海港游嘅登船码头设于尖沙咀，更有专用嘅候船室同纪念品店。

世星观光轮
今次为我哋提供服务嘅船叫「世星」，原来世星本身係往返湾仔同红磡航线，经过改装之后，成为全港第一艘由柴油发电同电能推动嘅低排放环保渡轮。世星载客量为408人，分为上下两层，下层保留原本天星小轮嘅面貌，仲设有洗手间；至于上层就分为室内同室外两部份，室外可以270度全景睇维港景色，而室内就有天幕玻璃，加上梳化软座，好豪华好舒服架！

黄昏航线
今次我哋坐黄昏航线，黄昏6点启航，先向维港西岸嘅夕阳出发！左边係中环嘅商业区，右边就係全港最高嘅环球贸易广场，而正前方就係日落嘅景色，真係好靓呀！

<

Tags：好游,维港,黄昏,游船河,天星,海港,Diary,唔知,你哋

转载：文章来自用户投稿不代表本站观点，如有侵权请联系我们。