〈好食〉尖沙咀豪叹北欧菜　帝乐文娜公馆FINDS

【A&M Diary】玩Stayaction除咗间房要够舒服，酒店多打卡位之外，我最期待嘅就係喺酒店餐厅食饭喇！今次M佬带我嚟到帝乐文娜公馆玩两日一夜，酒店虽然只有一间餐厅：FINDS，但贵精不贵多，餐厅主打香港少见嘅北欧菜，够晒新鲜感！

帝乐文娜公馆Staycation详情：超现实北欧主题打卡 尖沙咀帝乐文娜公馆

餐厅FINDS嘅命名係以北欧五个国家，包括Finland（Finland）、Iceland（冰岛）、Norway（挪威）、Denmark（丹麦）、Sweden（瑞典）嘅第一个英文字母组成。虽然我哋今次嘅Staycation Package已经包咗午餐同晚餐，但就算係非住客，因为FINDS嘅情调非常好，除咗可以试吓北欧菜，亦非常适合嚟呢度庆祝纪念日?！

午餐详情：高质北欧主题午餐 帝乐文娜公馆FINDS

北欧蟹肉饼
蟹肉饼有两粒，酥脆嘅外皮，入面劲多蟹肉，非常鲜甜。可以加埋伴菜嘅腌青瓜、腌鱼子及雷莫拉蛋黄酱一齐食，口感大大提升。

海鲜冷盘
首先呢个海鲜冷盘嘅盘真係好冷，以确保放喺上面嘅海鲜保持新鲜。海鲜有带子、自家烟燻虾肉、蓝青口、甜蚬、甜菜根渍三文鱼、腌三文鱼，每一款海鲜都非常新鲜。其中甜菜根渍三文鱼就先用甜菜根腌製，令三文鱼腌成酒红色，加上鱼肉泛出嘅油光，卖相吸引。我哋另外配上白酒，同呢个海鲜冷盘就更加perfect match。

香烤榛子白甘笋芹菜头汤
汤嘅味道带有白甘笋同芹菜头味道，好有层次！伴碟嘅脆炸羽衣甘蓝非常香口，我就锺意将佢连埋啲汤一齐享用喇。

香烤龙虾三文鱼汤
同上面个汤相比，呢个龙虾三文鱼汤就非常浓郁，特别係龙虾味非常出，相信大厨用咗好多龙虾熬製而成。

鳕鱼柳伴肉桂叶
鳕鱼柳皮脆而肉质嫩滑细緻，油质丰富又无骨，啖啖肉好满足！伴碟嘅都唔马虎，有柠檬碎薯仔、烤西兰花球、烤南瓜同香葱蛋黄酱。

<

Tags：好食,尖沙咀,豪叹,北欧,帝乐文,公馆,FINDS,Diar

转载：文章来自用户投稿不代表本站观点，如有侵权请联系我们。