【香港Staycation】超现实北欧主题打卡　尖沙咀帝乐文娜公馆

【A&M Diary】前排每个weekend都同A姐郊游行山，所以嚟紧嘅long weekend同公众假期，就玩Staycation轻鬆吓啦！嚟到位于尖沙咀嘅帝乐文娜公馆，酒店大玩超现实主义设计，由踏入大堂开始，已经有唔少打卡位，够晒惊喜，绝对颠覆你嘅视觉体验。另外，今次嘅Staycation package包晒三餐，仲要係香港一向少见嘅北欧菜，CP值够晒高。

酒店大堂
酒店位于尖沙咀闹市，大概步行5分钟，就可以去到尖沙咀／尖东港铁站或前往弥敦道搭乘往各区嘅巴士路线。喺酒店附近就係各个大型商场、诺士佛台、人气日式超市同二十四小时超级市场等等，想行街买嘢同补给日用品都好方便！

酒店设于金巴利道嘅玻璃门只係侧门，我哋建议由旁边嘅正门进入酒店，感受另一番风味。大门行中国风，除咗左右两边嘅狮子门环，仲挂上142个门铃，好有气势！再细心啲睇，门铃后面係西式嘅雕花，加上樱桃木嘅颜色，真係匠心独韵。当推开中式大门，视觉就会立即转变成达利（Salvador Dali）风格，形成强烈对比。

酒店大堂地板以马赛克铺出圆形罗盘、时钟等图案，行抽象同虚幻风格；而大堂嘅梳化玩味十足，非常浮夸，係超现实嘅欧洲特色设计。虽然话係欧洲风，但其实亦隐含五行元素，糅合咗东西方同后现代色彩，所以喺酒店大堂经已惊喜处处！

另外，值得一提嘅係呢张老夫子座椅，係由老夫子作者亲自设计，全港只係得两张咋！

另外，持有房卡亦可享有Sasa及Hutong Footbath指定分店之优惠。

客房区域
酒店设有159间客房，包括6间唔同主题嘅套房。我哋今次入住嘅係deluxe room，一入到嚟房间，墙壁上嘅画框、欧洲仿古家俬及仿製壁炉，真係好似去咗欧洲啲Airbnb，A姐表示劲有旅行嘅感觉！

A姐最锺意就係房间内嘅古典茶几柜，非常古典优雅！喺茶几就放有电热水壶、免费嘅茶包、咖啡包、蒸馏水、雪柜同另外收费嘅Mini Bar。

位处闹市内嘅酒店，虽然就够晒方便，但景观就以旁边嘅大厦为主。至于双人床属于King size，床褥软硬度适中，而床单非常柔软，枕头总共有4个，加上遮光度十足，真心瞓得非常舒服。床嘅两边都有床头柜同插头位，放吓眼镜或电话都够晒方便。

喺靠窗嘅位置，就係偏厅同工作位置，除咗有一张梳化之外，亦有一张长长嘅书枱，无论做嘢定摆嘢都有足够位置。

另外，当我哋入到嚟房间，酒店亦送上欢迎嘅蛋糕、曲奇同甜品，份量非常多，够晒惊喜！

<

Tags：香港,Staycation,超现实,北欧,主题,打卡,尖沙咀

转载：文章来自用户投稿不代表本站观点，如有侵权请联系我们。