〈好食〉必食海南鸡　亚参鸡饭

【A&M Diary】成班同事出街食lunch，最开心就係嗌到成枱嘢，大家happy share，咁就可以试到多啲款式啦！平时多数都係饮茶嘅我哋，今日就转场试吓南洋野，刺激一吓味蕾，所以嚟到亚参鸡饭，寻觅99分嘅海南鸡饭！

马来斑兰咖央多士
咖央多士係用厚多士，非常迎合香港人嘅口味，够晒脆非常有口感！另外，牛油同咖央嘅比例啱啱好，非常香滑，斑兰味香，记住要趁热食啊！

香煎手作虾饼
虾饼一碟三件，新鲜热辣即叫即煎！虾饼够厚身，咬开就见到入边有唔少虾胶同虾肉，够晒新鲜弹牙。

香烤猪肉串
猪肉串烤到外脆内嫩，猪肉味浓，一咬开就会爆汁，好juicy！

马拉盏怡保芽菜
餐厅对食嘅要求非常执着，连芽菜都係由马来西亚嘅怡保空运到港，条条都非常饱满，食落清甜爽脆，每日限量供应食晒就冇啦。

亚参去骨海南鸡饭
呢个饭餐会配上鸡香饭同清鸡汤，未食鸡之前，先试一啖饭，油香十足，唔错；而清鸡汤因为用上大量鸡骨熬製，所以係精华所在，鸡味浓郁，非常滋味。至于饭餐嘅海南鸡，估唔到份量非常多，全部都去晒骨，肉质嫩滑。

亚参去骨海南鸡 — 半只
由于我哋几个人share，所以除咗饭餐，另外叫咗半只海南鸡。亚参嘅海南鸡选用三黄鸡，肉汁丰富，鸡皮唔算肥，所以都忍唔住食咗几块，非常满足。当然食海南鸡就要配上秘製嘅三色酱一齐食啦，咁至够惹味！

亚参猪手
例牌嘅猪手份量都唔少，炆得够腍够入味。猪手嘅表层，一啲都唔肥，充满骨胶原！

<

Tags：好食,必食,海南,亚参,鸡饭,Diary,成班,事出街,lu

转载：文章来自用户投稿不代表本站观点，如有侵权请联系我们。