〈好食〉当黄金流沙遇上龙虾　尖沙咀翠林辣蟹舫

【A&M Diary】我未识M佬之前，好少食海鲜，因为我嫌食海鲜麻烦，又惊俾人呃，但自从识咗劲锺意食海鲜嘅佢之后，我哋周不时都会去食海鲜，佢仲会帮我起壳去骨，等我食到啖啖肉，你话佢係咪好sweet呢？虽然好多人觉得食海鲜係贵价嘢，但我哋今次就嚟到主打食蟹、龙虾同小菜嘅尖沙咀翠林辣蟹舫，近期仲有唔少优惠，海鲜够晒新鲜，煮法又有创意。

黄金流沙龙虾
龙虾唔一定係上汤同芝士焗嘅，大厨玩另类，将近年好兴嘅鹹蛋黄金碎加入龙虾，估唔到又几好味喎！炸到香口，龙虾索晒浓郁嘅鹹蛋香味，加上预先切件，劲容易食到啖啖肉。

避风塘香辣蟹
蟹劲大只，又多肉，用避风塘方式炒，够晒惹味。蟹嘅外面焦脆，蒜香味浓，微辣，味道好有层次。

浓汤大花胶鸡
哗！花胶大到吓死人呀！听店员讲呢个汤煲左超过六个钟，大大块嘅花胶真係超足料，饮落胶口，骨胶原十分丰富！另外，汤裏面嘅鸡肉竟然非常嫩滑，真係汤渣都食埋。

<

Tags：好食,黄金,流沙,遇上,龙虾,尖沙咀,翠林,辣蟹,Diary

转载：文章来自用户投稿不代表本站观点，如有侵权请联系我们。