〈好食〉叹厨师发办　尖沙咀鮨鸢

【A&M Diary】晚市嘅堂食终于重开，而M佬亦都履行佢嘅承诺，同我补祝情人节同周年纪念日。要庆祝大节日，最紧要就係食得好，私隐度高同坐得舒服啦！M佬话成年几冇飞过日本，所以佢就带我嚟到尖沙咀嘅鮨鸢食厨师发板，满足一吓返乡下嘅愿望。

餐厅一店两食，居酒屋嘅部份叫做藏鸢，而我哋今日食厨师发板嘅部份就叫做鮨鸢。鮨鸢嘅座位只有10个，除咗私隐度较高，更重要係方便同厨师互动，令厨师了解你锺意嘅食材，咁佢嘅发板就更加啱你心水，所以想食嘅就记住要提早预约啦！

麵豉萝蔔，白子，炸公鱼
坐低之后，就送上今日嘅前菜。麵豉萝蔔冇太多嘅调味，微鹹嘅麵豉加上鲜甜嘅萝蔔，就够晒醒胃；一开始我都唔知咩係白子，只知道味道清甜，口感接近入口即溶，正在回味嘅时候，M佬先话我知，原来係鱼嘅睪丸，除咗以形补形，更含有丰富蛋白质同维他命D，听讲食完非常养颜；至于公鱼炸过之后，够晒香口。

薄切左口鱼
左口鱼係两食，厨师建议先食咗刺身嘅部份，薄切嘅左口鱼刺身够晒透光，绝对係考厨师嘅刀工。左口鱼鱼香十足，肉质弹牙厚实；相反，炙烧过嘅左口鱼边，油脂丰富，入口即溶，非常满足。

北海道真蚝
肉质肥美，口感creamy，有独特嘅甜味，并散发浓浓蚝香。

真鲷刺身
非常新鲜细嫩，弹性十足，口感一流。

马刀贝刺身
平时一向少食马刀贝，今日嚟到厨师发板，改变左我对佢嘅观感，原来马刀贝甘甜饱满，肉质丰厚，仲有淡淡的海盐味。

深海池鱼刺身
肉质鲜嫩肥美，脂厚油香，入口鱼油甘香细腻，齿颊留香。

三文鱼子海胆牡丹虾
三文鱼子嘅份量超多，粒粒饱满，晶莹剔透，口感脆嫩，鲜味浓郁；海胆金黄色泽，口感幼滑，充满海水嘅鹹香，又不失海胆嘅鲜甜；牡丹虾新鲜弹牙，够晒胶口。一次过将呢三样嘢放入口，口感非常有层次。

九州花蟹
食到一半嘅厨师发板之后，就送上呢个九州花蟹。花蟹经过微微烟燻，记住加埋旁边嘅醋啫喱一齐食，蟹肉嘅鲜甜味更加突出。

茶碗蒸
蛋好滑溜，仲有虾肉同冬菇增加口感。

<

Tags：好食,厨师,发办,尖沙咀,鮨鸢,Diary,晚市,嘅堂,终于

转载：文章来自用户投稿不代表本站观点，如有侵权请联系我们。