〈好游〉週末打卡游坪州　食买玩最强策划

【A&M Diary】放假去离岛玩係唔少游客嘅心水选择，最受香港人欢迎嘅离岛点少得长洲、南丫岛同大屿山呢？喺咁多个离岛之中，曾为工业小岛嘅坪洲经常俾人遗忘，所以相对宁静，係一个适合大家慢活享受假期嘅小岛。其实坪洲亦有唔少打卡景点、行山郊游同人气食店，真係玩大半日都冇问题。今日我就同A姐plan好行程，由坪洲玩到去愉景湾，嚟个周末打卡旅行团！

前往方法
中环港外线6号码头搭渡海小轮，船程大约30-40分钟（船期表）

提提你
1. 坪洲係一个宁静嘅小岛，游览时保持声浪，唔好骚扰居民
2. 大家记住保持环境清洁，自己垃圾自己带走，绝对唔可以破坏大自然环境
3. 洗手间主要集中喺码头、市政大楼同商店街一带
4. 坪洲嘅行山路线难度唔高，适合行山初哥同一家大细，但都要量力以为

第一站：史诺比石
详情：漫游坪愉径靓景 必影坪洲史诺比石
落咗船之后，我哋先喺超级市场买定啲补给品，再往岛嘅右手边坪愉径出发，坪愉径嘅路线难度唔高，沿途可以眺望愉景湾同迪士尼乐园，当然，我哋嘅目标係好似Snoopy嘅史诺比石啦！

第二站：东湾沙滩
睇完史诺比石，我哋不走回头路，继续往山嘅方向行，转入坪洲家乐径，经过大龙村，就会到达坪洲唯一嘅沙滩：东湾沙滩。夏天嘅时候，有唔少游客玩水上活动、晒太阳同游水。不过，要留意海滩并唔係康文署规管範围，所以无救生员当值，大家记住要注意安全。

第三站：龙母庙
坪洲虽然只有0.99平方公里，但作为一个离岛当然有唔少庙宇，其中最大嘅就係龙母庙。龙母庙金碧辉煌，并设「龙恩浩蕩千秋耀，母德巍峨万载昭」嘅金字牌匾，好有气势。庙内又设龙床，听讲摸过龙床就会好运，而用庙前嘅龙水洗手又可添运势。所以每年农曆五月初八嘅龙母诞，就有唔少善信嚟祈福。

第四站：祺森冰室
详情：人气强就好味 坪洲祺森冰室
行咗咁耐，午餐就嚟到全坪洲最强人气嘅排队食店：祺森冰室。冰室嘅招牌菜係虾多士，听讲虾多士用薯蓉、洋葱、虾肉同猪肉做成，炸到金黄脆卜卜。不过，我哋今日嚟到，虾多士唔係即叫即炸，反而係预先炸好，虽然仍算香脆，但就唔够热。另外，我哋一向认识嘅虾多士都係加入虾胶製成，但呢到嘅虾多士只有半只虾，所以食嘅时候，有啲失望，亦欠缺口感。

第五站：秘密花园
详情：工业风打卡秘景 坪洲秘密花园
前身为三级文化古蹟嘅牛皮厂，由艺术家收集岛上居民废物，再加入艺术元素，活化成一个以艺术为题嘅秘密花园，真係好有台湾文创园嘅感觉。当然花园内有唔少打卡位，好轻鬆就影到唔少A姐满意嘅呃like相啦！

第六站：坪洲戏院
曾经香港电影业非常蓬勃，就连坪洲都设有戏院，坪洲戏院喺1978年开始为岛上居民提供娱乐，至1987年结业，并荒废至今。坪洲戏院虽然并未获历史评级，而戏院内亦有唔少鬼故事，但就成为咗废墟摄影者嘅热点。

第七站：手指山
坪洲最高点就係高95米嘅手指山，行上手指山嘅前半路段主要係石屎路，临登顶前有大约300级楼梯，整体唔算难行。登顶后可以喺凉亭休息，望住无敌海景，远眺数码港、青马大桥、迪士尼乐园及愉景湾等嘅景色。

第八站：A NOY 麵包舖
详情：坪洲必食芝麻饼 A NOY 麵包舖
行完山，又点少得买啲嘢食医吓肚呢？呢度有唔少港式麵包选择，但最出名嘅就係南乳芝麻饼。南乳芝麻饼分为黑白芝麻同白芝麻两款选择。芝麻饼成块面咁大，上面铺满大量芝麻，好足料！咬落鬆脆香口，加上淡淡嘅南乳味，确实满足。我哋就觉得黑白芝麻嘅芝麻味较突出！

<

Tags：好游,週末,打卡,游坪,食买,最强,策划,Diary,放假,

转载：文章来自用户投稿不代表本站观点，如有侵权请联系我们。