【亲子好去处】大埔蝶豆花园观光农场　与草泥马打卡

【A&M Diary】放假想去转小旅行？就同A姐去农庄玩吓啦！A姐好开心咁问去3日2夜台中清境农场定4日3夜那须草泥马牧场？今年虽然带唔到你去旅行，但其实香港都有唔少观光农场，今个weekend嘅好去处，我哋就揸车去到大埔嘅蝶豆花园，呢到有唔少打卡影靓相位置，仲有少女们最爱嘅草泥马，一家大细都好啱玩?！

前往方法
1. 乘坐小巴20M（大埔中心开出）/ 小巴 20P（大埔墟开出）
2. 自驾游：蝶豆花园设有停车场，日泊（10:00-18:00）$60

入场费
蝶豆花园有唔同嘅入场套票同体验製作班，成人基本入场连设施收费係HK$200，3至12岁小童基本入场连设施收费係HK$150。

蝶豆花园
佔地50万平方呎，以蝶豆花为主题嘅观光农场。蝶豆花园因为邻近凤园蝴蝶保育区，所以园内经常见到蝴蝶嘅蹤影。

风车花海
作为一个农庄，又点少得花呢？呢度有唔少花田，加上风车做背景，影相好靓?！

彩虹蜜蜂箱
农庄内放有唔少彩虹蜜蜂箱，大家可以买啲自家出产嘅蜜糖做手信。

愿望岛
连接愿望岛嘅天桥，挂满蝴蝶祈福牌，色彩缤纷。基本入场套票亦已包括1个蝴蝶祈福牌，你都可以许下愿望挂上天桥。

天鹅湖
湖内有锦锂、鸭等小动物，基本入场套票亦已包括15分钟天鹅船，亦成就咗我同A姐第一次嘅湖上泛舟。

儿童游乐场
呢度有唔少设施啱晒小朋友玩，当然唔少得小朋友最锺意嘅弹弹床啦！小朋友基本入场套票已包括任玩弹弹床，真係可以放题式咁疯狂放电！

天空之镜
另一打卡热点，当然唔少得天空之镜啦！讲到明先，呢块真係镜，短裙仔嘅朋友就要小心走光喇！

动物园
园区内有孔雀、山羊同白兔，当然唔少得草泥马啦！呢度有6只草泥马，其中1只係男仔，其他都係女仔。大家可以另外购买饲料，咁就可以入去同草泥马影相打卡。草泥马都受过训练，好温驯?！入场前记得先消毒鞋底同清洁双手啊！

<

Tags：亲子,好去处,大埔,蝶豆,花园,观光,农场,草泥,马打卡,打

转载：文章来自用户投稿不代表本站观点，如有侵权请联系我们。