〈好游〉轻鬆行山游 香港仔水塘

【A&M Diary】嚟到weekend就梗係要同M佬拍拖啦！近期，我哋就爱上咗行山，除咗可以亲亲大自然同呼吸新鲜空气之外，更加可以锻鍊身体同减肥添！加上行山径内亦有唔少打卡热点，都好适合一家大细嚟上一堂大自然嘅通识科！今日我哋就嚟到香港仔郊野公园，由湾仔峡公园行去香港仔水塘。呢条郊游路线轻鬆易行，十分适合行山初哥！

由湾仔峡公园行去香港仔水塘，沿路都係落山嘅石屎斜路，而大部分路段都有树遮荫，除咗适合行山初哥亦都係一条亲子路线，落到去终点就係香港仔，仲可以食吓嘢先返回市区。如果好似我哋咁，选择揸车嚟嘅，就可以将车先泊喺湾仔峡公园外嘅咪錶停车位，但行到去香港仔水塘就要沿路折返喇！

提提你
1. 由湾仔峡公园起步到香港仔水塘，沿途係落山石屎斜路，适合行山初哥同一家大细，但都要量力以为
2. 湾仔峡公园设有小食亭同洗手间，但沿路就再无士多补给站，大家记住自备所需用品
3. 大家记住保持环境清洁，自己垃圾自己带走，绝对唔可以破坏大自然环境

前往方法
1. 乘坐新巴15号巴士，至湾仔峡道站下车
2. 湾仔峡公园设有咪錶位，自驾人士可以泊喺呢度，够晒方便

湾仔峡公园
公园面积唔算大，但有凉亭、野餐檯凳、小食亭同洗手间，加上係唔少行山路径嘅中途站，绝对係行山人士嘅补给休息地方！喺公园旁边就係香港仔郊野公园嘅入口，前往香港仔水塘。

香港仔郊野公园
郊野公园内当然唔少得野餐同烧烤地点，仲有石卵路同健体等设施，加上香港仔自然教育径内有好多红胶木、大头茶、锡叶藤同其他藤本植物，亦係一个学习同了解大自然嘅地方，所以一路上都唔会觉得闷。重点嘅香港仔水塘亦位于郊野公园内。

香港仔水塘
分为上水塘同下水塘，当时兴建水塘主要为鸭脷洲同港岛西区提供食水，香港仔水塘总容量为126万立方米，而上水塘水坝、石桥、水掣房同下水塘水坝被列为法定古蹟。

香港仔上水塘
因为依家係秋冬季节，所以水塘嘅水唔多，喺上水塘主坝行嘅时候就见到着名嘅石桥。主坝好宏伟，而拱形嘅石桥亦都非常靓。但如果春夏雨季嚟嘅时候，水坝就会排洪，行嘅时候要特别小心。

<

Tags：好游,轻鬆行,香港,水塘,Diary,嚟到,weekend,

转载：文章来自用户投稿不代表本站观点，如有侵权请联系我们。