〈好游〉富有现代感寺庙 屯门蓝地妙法寺

【A&M Diary】去中国、台湾或泰国旅行嘅时候，总会参观一下寺庙。有啲寺庙可能係城市嘅地标；有啲寺庙可能好有历史价值；又有啲寺庙可能金碧辉煌富现代化，例如：南京牛首山、西安法门寺、无锡灵山梵宫等，真係成座宫殿咁！其实香港都有唔少寺庙，但俾人嘅感觉都係传统同历史十足嘅类型，好似係文武庙、天后庙等，相对现代化嘅，除咗大埔慈山寺、昂坪天坛大佛，仲有位于屯门蓝地嘅妙法寺！

提提你
1. 佛门清静地，大家记住保持安静
2. 部份地方唔可以影相，大家记住留意指示

前往方法
1. 西铁及轻铁：乘坐西铁至兆康站，转乘轻铁（610、614、615或751）至蓝地站落车，步行约8分钟就到达妙法寺
2. 九巴：53、68A、263M、63X于妙法寺巴士站落车
3. 自驾游：妙法寺设有停车场，每小时$50起，如果唔嫌贵可以直接泊入去；或泊至附近屋苑停车场，如豫丰花园、绿怡居

妙法寺
1980年落成嘅旧翼，楼高三层。门嘅红色外墙上盘旋住两条巨型金龙、一头石象同一对狮子，佢哋守卫着妙法寺入口。正门供奉嘅係弥勒佛，两边就有四大天王，喺3楼就係大雄宝殿，供奉三座释迦牟尼金佛像，而墙上就有无数佛像。

莲花大殿
喺旧翼2楼设有天桥连接新建嘅莲花大殿，大楼以莲花上宽下窄为设计概念，都几似红馆嘅外型。呢座7层高嘅综合大楼，集佛殿、图书馆、讲堂、办事处同停车场，喺2010年先落成。佛殿供奉一佛二菩萨二尊者，喺中央嘅释迦牟尼像用柚木雕造，高8米，係全港最大嘅室内木雕佛像。喺释迦牟尼像两旁分别为舍利弗尊者像同目犍连尊者像。殿内两侧同顶部装上大型玻璃，可以透入自然光线，除咗环保实用，更显得佛寺与时并进。

<

Tags：好游,富有,现代感,寺庙,屯门,蓝地,妙法寺,Diary,中

转载：文章来自用户投稿不代表本站观点，如有侵权请联系我们。