〈好食〉重拾筑地情　铜锣湾立鮨

【A&M Diary】今日同M佬嚟到位于铜锣湾嘅立鮨，舖头嘅日式装饰，日文嘅欢迎光临，更重要係香港少见嘅立食文化，让我地重拾久违嘅日本之旅。立鮨嘅鱼生选择好多，除咗可以选择自己锺意食嘅款式，亦可以选择厨师发板，品嚐当日最新鲜嘅鱼生添。

火炙左口鱼边寿司
经过火炙嘅左口鱼边，係我哋最爱，鱼油十分丰富，带点焦香，入口即溶。

剑鱼腩寿司
次次同M佬食寿司，剑鱼腩都係佢嘅必叫之选，因为佢好锺意剑鱼腩独特嘅肉质。剑鱼腩肉身呈白略带淡红色，肉质柔软脂肪多，鲜甜而不腻。

油甘鱼腩寿司
油甘鱼腩非常厚实滑嫩，鱼肉细緻甘甜，非常新鲜。

北海道特大珍宝带子寿司
Menu话特大又珍宝，上枱嘅时候真係不负所望，带子后生又大只，肉质弹牙鲜甜，完全唔捨得吞落肚，好满足。

大吞鱼腩寿司
好味嘅吞拿鱼真係好好味（我係咪讲紧废话？），吞拿鱼厚切，油脂分布平均，入口即溶。

北海道活象拔蚌寿司
虽然我哋一向都少食象拔蚌刺身，但嚟到呢度，一定要试试，象拔蚌好鲜甜，弹牙有够爽脆。

针鱼寿司、梭子鱼寿司、平贝寿司
师傅建议先食左边嘅针鱼，之后食中间嘅梭子鱼，最后先食平贝，咁就可以由有淡口味食到重口味，欣赏到鱼鲜嘅层次。针鱼属于萤光鱼，部份人会惊佢会有腥味，其实加咗葱同少少姜，反而提升佢嘅鲜甜味！梭子鱼微微烧过，令鱼油更突出；至于平贝味道甜香，肉质比较酥脆爽甜。

<

Tags：好食,重拾,筑地,铜锣,湾立,Diary,今日,佬嚟,位于,

转载：文章来自用户投稿不代表本站观点，如有侵权请联系我们。