〈好游〉港版姆明公园兼5大打卡点 亲子週末游荃湾公园

【A&M Diary】今个weekend同A姐去咗荃湾如心海景酒店玩Staycation，我哋食饱饱就喺旁边嘅荃湾公园散吓步同拍吓拖啦！公园以海洋为主题，当然唔少得有个游乐场俾小朋友放吓电。呢度除咗係亲子好去处之外，估唔到仲有唔少打卡位，当中包括港版姆明之家等5大热点，绝对係大家拍拖週末嘅好去处。

前往方法
荃湾公园接连荃湾西港铁站、如心广场巴士总站同荃湾码头，交通选择非常多。

了望塔
为咗配合公园嘅海洋主题，所以呢度有一座了望塔，了望塔高三层，上到去可以眺望整个公园。但最靓嘅打卡位，就係从门口影相，真係好似姆明屋企呀！（其实新一代仲知唔知边个係姆明呢？）

露天剧场
露天表演场地设有70个座位，可以举行社区性嘅文娱康乐活动。但转过角度睇睇，剧场嘅背面十足十沖绳嘅小教堂，同最爱嘅人喺度影张相打卡，就当去咗转旅行啦！

人工瀑布
喺了望塔嘅隔离，就係人工瀑布，呢个瀑布虽然唔算高，但听住啲流水声，其实都好写意。

<

Tags：好游,港版,姆明,公园,打卡,亲子,週末,荃湾,Diary,

转载：文章来自用户投稿不代表本站观点，如有侵权请联系我们。