〈好游〉华富邨瀑布美景　南区瀑布湾瀑布

【A&M Diary】华富邨除咗係香港其中一条最早期又好有代表性嘅公共屋邨之外，仲有一条好多传闻嘅瀑布，佢就係瀑布湾。瀑布湾位于瀑布湾公园内，亦係南区海滨长廊嘅其中一段，而瀑布嘅水源原自薄扶林水塘，亦有「扶林飞瀑」之称。

提提你
1. 瀑布湾有好多传闻同鬼故故事，当中最出名嘅鬼故当然就係白衣女子啦！其实有咁多传闻，主要都係想吓吓啲小朋友，因为瀑布湾曾发生多次溺毙嘅事故，所以大家郊游时，记住要小心安全，唔好喺溪涧游水
2. 大家记住保持环境清洁，自己垃圾自己带走，绝对唔可以破坏大自然环境
3. 瀑布外嘅瀑布公园设有公众洗手间，方便游客

前往方法
1. 乘坐往华富邨嘅巴士，喺华富（一）商场沿瀑布湾道往下行，就会到达瀑布湾公园
2. 瀑布湾公园设有收费露天停车场，自驾人士可以泊喺呢度，够晒方便

香港名称由来
作为东亚最重要嘅港口，以前有唔少商船都会停留瀑布湾避风同取用食水，并称此处为香江。

<

Tags：好游,华富,瀑布,美景,南区,Diary,华富,咗係,香港,

转载：文章来自用户投稿不代表本站观点，如有侵权请联系我们。