〈好食〉挑战一公斤牛肉　火炭相马日式火锅

【A&M Diary】平时食火锅放题，唔知你有无试过叫四碟牛，但结果只係嚟咗两碟呢？漏单嘅情况可能常有发生，但嚟到相马日式火锅就唔驶怕，因为呢个极上牛肉拼盘挑战套餐会一次过将1公斤嘅牛肉上枱俾你，如果两个人喺一个钟内成功挑战，仲有半价优惠添！最锺意打边炉嘅我哋嚟到火炭分店，一于接受挑战！

1公斤极上牛肉拼盘
我哋未食之前，以为店家只係搞吓噱头，估计牛肉好肥，质素会好差，令你根本唔会挑战成功。直头上枱一刻，牛肉都有惊喜喎，呢个二人份嘅拼盘有500g美国进口牛肉、250g牛小排同250g牛肩胛。当中最好味就梗係牛肩胛啦！牛肩胛脂肪比例分布平均，肥瘦适中，牛味浓郁；牛小排嘅肥瘦度适中，轻轻一渌就食得，肉质嫩滑；美国进口牛肉脂肪比例较多，但入口香滑，唔油腻。我哋2个人用咗大概45分钟就挑战成功喇！

火锅配料自助吧
喺挑战其间，你亦可以去到火锅配料自助吧自取嘢食，选择唔少，有丸类、菇类、蔬菜、乌冬同响铃等等。我哋挑战过程中就食咗唔少菜，以减低牛肉嘅油腻感，呢个策略估唔到又几成功喎！

<

Tags：好食,挑战,一公斤,牛肉,火炭,相马,日式,火锅,Diary

转载：文章来自用户投稿不代表本站观点，如有侵权请联系我们。