【香港Staycation】市中心月租酒店　佐敦香港彩鸿酒店

【A&M Diary】想过二人世界、追求私人空间，或者屋企要装修？月租酒店都係一个唔错嘅选择，除咗有酒店式嘅服务，租期相对有弹性，唔驶按金上期，仲可以趁呢段同居时间，睇清楚M佬究竟嫁唔嫁得过！今次我哋嚟到位于佐敦嘅香港彩鸿酒店，无论月租定日租Staycation都够晒经济实惠，加上位处市中心，真係去边都够晒方便。

酒店大堂
香港彩鸿酒店位于佐敦，楼高15层，提供126间客房。酒店距离佐敦港铁站约5分钟步程，而喺弥敦道亦有多条巴士路线选择。酒店位于内街，静中带旺，无论去庙街、尖沙咀柏丽大道定油麻地都够晒方便。

房型种类
酒店分为两种房型，分别係豪华房（大床房或双床房）同尊贵房（大床房）。两者嘅主要分别係房间嘅面积同楼层。今次睇呢个月租Hotel tour就发现高层房间可以远眺港岛区，视野够晒开扬。

客房区域
今次我哋入住尊贵房，以呢个价钱同佐敦嘅闹市嚟讲，空间感算係十足，房间设有两个衣柜，有足够位置畀住客放行李。

床就係标準嘅King Size，可以三边落床，床单软绵舒服，而枕头总共有4个，2个软2个硬。床嘅两边都有床头柜同阅读灯，仲有插头同USB充电位，临瞓前可以睇吓书或者?电话。另外，由于酒店位处内街，加上房间遮光度一流，喺度瞓觉非常舒服。

但令我哋最欣赏嘅係有一张阔落嘅工作枱，无论食嘢、放嘢定係做嘢都够晒方便。

电视除咗提供本地免费频道之外，都有提供卫星电视选择，两个人坐喺度睇吓电视，呢啲咪就係简单嘅幸福感啰。另外，房间亦有提供免费wifi，速度都算稳定，咁月租嘅朋友连上网钱都可以悭番啦！

<

Tags：香港,Staycation,市中心,月租,酒店,佐敦,彩鸿,

转载：文章来自用户投稿不代表本站观点，如有侵权请联系我们。