〈好食〉撑沙嗲牛肉麵 撑中环四季常餐

【A&M Diary】一直以嚟，无论早餐定常餐，我都係食沙嗲牛肉麵，但自从加入咗Facebook嘅香港沙嗲牛肉麵关注组之后，就连午餐、下午茶同晚餐，都好想食沙嗲牛肉麵呀！喺关注组入边，有唔少嘅沙嗲牛肉麵推介，当然沙嗲牛肉麵要撑，中环四季常餐都要撑！

滑蛋多士
先要讚一讚滑蛋同多士，滑蛋嘅蛋味好香，喺无加牛奶同忌廉嘅情况之下，炒蛋非常嫩滑；至于多士牛油味好香，烘得好鬆脆。

特浓沙嗲牛肉麵
身为主角嘅沙嗲牛肉麵，因为汤唔多，所以无将沙嗲汁沟淡，加上本身沙嗲味就好香浓，花生同沙嗲嘅比例啱啱好，食落好有层次。至于公仔麵软硬度适中，係我最锺意嘅黄金比例。唯一要批评嘅就係个牛肉，份量少得可怜。

<

Tags：好食,撑沙,牛肉,中环,四季,常餐,Diary,一直,无论,

转载：文章来自用户投稿不代表本站观点，如有侵权请联系我们。