〈好食〉远近驰名咖喱猪扒饭 湾仔新景园咖喱小厨

【A&M Diary】湾仔嘅新景园咖喱小厨真係一个诅咒！诅咒？话说M佬喺大概半年前就bookmark咗呢间餐厅，但第一次摸门钉係因为无check到原来新景园咖喱小厨星期日係唔开。之后特登拣星期六晚市，但我哋又无留意佢Facebook，结果去到先发现店主有私人事务要处理，晚市暂停，呢次係第二次摸门钉。后嚟因为疫情严重咗，餐厅为保障客人同员工安全起见，全日不设堂食，呢次係第三次摸门钉…… 好似一直都同新景园咖喱小厨无乜缘份，但我哋唔会放弃，因为「同舟人，誓相随」，终于喺无心插柳嘅情况下，畀我哋试到新景园咖喱小厨嘅咖哩猪扒饭喇！

咖喱猪扒饭
哗！哗！哗！猪扒份量超多，一个人真係无可能食得晒！猪扒切得厚身，皮香脆且乾身，肉质软腍，非常有肉汁，好juicy又劲入味，但讲真食得多真係会「溜」，好彩同M佬开心share咋！但重点当然係佢个咖喱汁啦！平时出面茶餐厅食咖哩，唔知係咪为咗迎合小朋友口味，所以咖喱汁係完全唔辣，但新景园咖喱小厨嘅咖哩汁除咗好香咖喱味，仲有适中嘅辣味，又香又辣，味道好有层次，捞饭一流！所以呢度基本上每枱客都会order一碟咖喱猪扒饭！

乾炒牛河
除咗咖喱，另一个比较多人叫嘅就係乾炒牛河。乾炒牛河即叫即炒，够晒镬气，份量十足！

<

Tags：好食,远近,驰名,咖喱,猪扒,湾仔,新景园,景园,小厨,Di

转载：文章来自用户投稿不代表本站观点，如有侵权请联系我们。