【香港Staycation】情人节浪漫住宿体验　荃湾如心海景酒店

【A&M Diary】情人节就梗係想同另一半过二人世界啦，我同M佬今次就拣咗荃湾嘅地标：荃湾如心海景酒店暨会议中心L’hotel Nina et Convention Centre，过一个至high嘅情人节！讲紧嘅high係荃湾如心海景酒店係新界最高嘅大厦，亦係全港第六高嘅摩天大厦，望住呢个至高嘅海景叹晚餐真係够晒浪漫！荃湾如心海景酒店嘅情人节Staycation Package「甜蜜情人节住宿套餐」性价比超高，就算情人节正日撞正要拜年，都有唔少选择，所以有心其实唔怕迟，因为每一日都可以係情人节呀！

酒店大堂
酒店位于荃湾市中心，大概步行5分钟，就可以去到荃湾西港铁站，附近仲有多个大型商场、日式超市同百货公司等，生活配套齐全，买嘢同补给日用品都好方便，真係行足1日都有排行呀（我阵间要同M佬sell吓我个唔睇价钱疯狂shopping嘅大计先得）！

酒店分为两座，高座为89层，高318.8米；而低座为42层，高163.7米。因为疫情，酒店嘅check-in大堂位于41楼，坐电梯上到嚟已经畀呢个开扬嘅景观深深吸引，可以俯瞰荃湾、青衣，远至汀九桥嘅景色。酒店有1,608间客房，遇着weekend或假期，相信Check-in人流会比较多，大家要畀啲耐性喇！好彩酒店职员嘅效率非常高，而且服务态度好好，仲主动帮我哋安排至第二日嘅3点退房，真係瞓埋晏觉先check-out都得。

据说，酒店高座代表龚如心丈夫王德辉，而低座就代表龚如心，连接两座大厦嘅天桥就寓意夫妇手牵手情不变。上房之前，可以行吓呢条香港少有嘅玻璃底天桥，可以打卡又够晒刺激。

客房区域
客房分布于高座同低座，而我哋今次就入住位于高座50楼嘅行政海景客房。我哋嘅房间係corner room，所以非常阔落，根据官方网站，客房面积为40至58平方米。另外，因为我哋係情人节嘅Staycation Package，所以酒店会提供免费雅緻客房布置，可以为另一半带嚟小惊喜添！

房间採用落地玻璃，所以景观好开扬，一边就望住荃湾市中心，天气好嘅时候，仲可以远眺大帽山山顶；而另一边就係青衣、蓝巴勒海峡同汀九桥，可以睇到日落嘅海景呀！另外，因为呢度係成个荃湾区最高嘅大厦，所以房间嘅私隐度非常高。

双人床属于King size，床褥软硬度适中偏硬，而床单非常柔软，枕头总共有4个，略嫌较扁，但如果将2个叠起嚟瞓就啱啱好喇。床嘅两边都有床头柜，放吓眼镜或电话都得。虽然床嘅两边无插头位，但成间房间其实都有唔少插头位，都算方便。

除咗双人床之外，房间嘅偏厅位置仲有贵妃椅同梳化。另一边就有一个饭厅位置，饭枱够晒大，足足可以坐4个人，而且亦有USB插头位，所以除咗食饭亦可以成为一个办公室嘅位置。

另外，电视嘅频道选择算多，亦预先下载唔少apps，有唔少电影同剧集选择，亦可以透过电视上网，房间嘅娱乐设备都相当充足，绝对唔怕闷啦！至于房间嘅mini bar就只有基本嘅电热水壶、蒸馏水同雪柜。

浴室区域
今次我哋入住嘅行政海景客房嘅洗手间非常大，洗手盘有两个，梳洗可以一人一隔，劲sweet咁一齐刷牙啦！至于厕所同淋浴乾湿分离，唔怕争厕所用。

至于成个浴室嘅最大卖点就係淋浴同浴缸部份，因为落地玻璃正对住荃湾市区，望住呢个景沖凉，M佬话真係有莫名嘅兴奋感。虽然酒店楼层比较高，但如果你对私隐都仍有担心嘅，沖凉时可以将窗帘拉上。

喺浴缸浸浴除咗睇到荃湾市中心嘅景色，亦可以边睇电视边享受泡泡浴，非常写意。就算唔浸浴，呢个浴缸配合城市景都係一个打卡点嚟?！

不过，浴室同客房无门亦只有玻璃分隔（无窗帘），对于非情侣嚟讲，呢只房type就未必适合。

另外，个人用品亦十分齐全，包括牙刷、牙膏、梳、浴帽、化妆棉等，而洗头水、沐浴露、护髮素同润肤露就用法国品牌Muguet D‘Ogive，质素都唔差?！不过，房间就无浴袍提供，有需要就自行携带啦！

泳池及健身中心
酒店嘅9楼设有室内同室外嘅游泳池同健身室，不过因为疫情期间，暂时未有开放。

<

Tags：香港,Staycation,情人节,浪漫,住宿,体验,荃湾,

转载：文章来自用户投稿不代表本站观点，如有侵权请联系我们。