【香港Staycation】英伦豪华酒店　湾仔The Hari Hong Kong

【A&M Diary】Staycation成为近期热门嘅留港节目，有唔少酒店就推出以和风为主题嘅Staycation Package，令港人重拾去日本旅行嘅感觉。不过去咗咁多转「日本」，A姐就话想有啲新意，所以今次就带佢去玩玩以英伦为设计主题嘅The Hari Hong Kong啦！The Hari Hong Kong喺2020年12月全新开幕，酒店行英式典雅风格，加上亲切殷勤嘅服务同豪华嘅品牌形象，极具时尚型格感，亦令我哋留下一个深刻嘅住宿体验。依家仲推出开幕优惠，咁就玩得更加抵啦！

酒店大堂
酒店位于铜锣湾同湾仔之间，大概步行10-15分钟，就可以去到湾仔港铁站或铜锣湾港铁站，交通位置非常方便，旁边就有便利店同好多餐厅！酒店嘅外墙引入植物墙身，加上大门口空间十足，同旁边嘅繁华闹市形成强烈对比。至于一踏入酒店大门，礼宾部职员同我哋边倾计，边带我哋去到位于1楼嘅check-in大堂办理入住手续，由于礼宾部已预先询问我哋嘅姓名，所以一到达一楼，前台职员就可以直接称呼我哋：「A姐M佬，欢迎你哋入住」，真係好有亲切感呀！

The Hari Hong Kong其实係夏利里拉酒店Harilela Hotels Ltd旗下品牌，由伦敦室内建筑设计公司Tara Bernerd & Partners同创办人Tara Bernerd亲自设计。设计师希望The Hari Hong Kong就好似一套私人订制嘅西装，将英伦风格带到香港，所以酒店墙身用咗孔雀蓝嘅镶板、琥珀色皮革、灰阶大理石同中性纹理亚麻布嘅装饰，再配合天鹅绒物料，加入蓝、绿等色调，充满英伦风。再细心睇吓，酒店职员嘅制服都充满英伦风?，真係好似去咗英国咁。

另外，喺1楼嘅check-in大堂，仲有一个小小嘅阅读室，绝对係一个打卡位。

The Hari Hong Kong係全球第二间The Hari品牌嘅酒店，第一间就喺伦敦，位列Tripadvisor伦敦酒店嘅第7位，所以The Hari Hong Kong绝对有信心保证！相信假以时日，The Hari Hong Kong将会佔据Tripadvisor更高嘅位置。整个check-in过程流畅，职员仲帮我哋安排late check-out至1点，咁就可以瞓个靓觉啦！喺入住手续完成后，职员亦亲自带我哋上房，顺便讲解一吓酒店同房间嘅设施！

客房区域
The Hari Hong Kong楼高30层，设有210间客房，包括位于顶层嘅三间套房，而我哋今次就入住位于21楼，面积323呎嘅Premium Corner Room。由于酒店係2020年12月先投入服务，所以房间设施非常新净。至于客房嘅景观主要为湾仔城市景，不过因为我哋住得比较高，而且係corner room，所以就可以眺望金钟商业区一带。

一踏入房间，就係衣柜同半开放式浴室，再行入少少就係卧室区域。双人床係King size，够晒大，点碌都得！至于床褥软硬度适中，床单非常柔软，枕头总共有4个，两个较软，两个较硬，加上遮光度一流，瞓得好舒服呀！床嘅两边有插头、USB充电位、灯掣同窗帘开关，非常方便。另外，酒店亦非常智能，可以透过房内嘅电视或电话与房间嘅智能系统连接，只要讲一句「开灯」、「开窗帘」，甚至问佢天气同附近景点都立即解答到你，真正摊喺张床度唔驶郁啦！

喺窗嘅前面就係长长嘅梳化同椭圆形枱，细心位係梳化下边都有插头同USB充电位，方便商务旅客。而A姐亦好满意房间嘅灯光，就算夜晚都非常光猛，但如果锺意柔和灯光嘅你，亦可以按下酒店preset嘅柔和光感。

另外，电视可以调整位置，所以无论坐喺梳化定瞓喺床上面都可以欣赏节目。电视嘅频道选择好多，香港本地或世界主要卫星频道都有，如果都係唔啱睇嘅，亦可以连接至自己嘅手提电话，睇youtube都无问题啦！另外，酒店响应环保，所以酒店嘅资讯同in room services都可以透过电视查阅，而电视亦内置PressReader电子阅读平台，可以随时阅览世界各地嘅报章杂誌。

最后，房间嘅mini bar提供电热水壶、Acqua Panna矿泉水、斯里兰卡Dilmah茶包同capsule咖啡。如果想要蒸馏水，亦可以透过room services安排。

浴室区域
为咗增加空间感，浴室採用半开放式设计，并以透明玻璃门将客房同浴室分隔。

<

Tags：香港,Staycation,英伦,豪华,酒店,湾仔,The,

转载：文章来自用户投稿不代表本站观点，如有侵权请联系我们。