〈好游〉艺文青一日閑游 油麻地艺游东南

【A&M Diary】作为精品酒店又点少得一个明确主题呢？呢间位于油麻地嘅东南楼艺术酒店就将多元化嘅艺术元素融入酒店每个角落，我哋就喺呢度玩2日1夜Staycation（详情：文青艺术深度游 东南楼艺术酒店）。但就算你无计划入嚟住番晚，都可以买艺游东南一日通行证，发挥你嘅创意，同艺术展品打卡，作为文青又或者艺术爱好者又点可以错过呢！

艺游东南
艺游东南有唔同嘅工作坊同专题展览，让访客以视觉、听觉、嗅觉、味觉同触觉去感受作品。由1楼嘅寻香工作室、2楼嘅Art Lab、3楼嘅自修空间、位于22楼不定期开放嘅艺廊同23楼嘅room68，都有唔同嘅互动艺术体验活动，加上每一层都有唔同艺术家创作嘅壁画同瓷砖墙，甚至连后楼梯都有唔少惊喜，夹夹埋埋超过100件嘅作品，真係打卡都打足大半日！

1楼壁画
酒店鼓励大家探索油麻地大街小巷，所以1楼嘅壁画就係以油麻地果栏为题嘅「果栏黑夜」。

寻香工作室
工作室内放有唔同嘅天然香料，但无任何文字标示，全靠用嗅觉去闻，製作一个专属你嘅天然香包。

花样年华试身室
东南楼有唔少设计彷彿回到七十年代，可以租番件旗袍或古服，配合旁边嘅电话房复古场景，打卡一流?！

Art Lab
实验室内放有多种创作材料，可以摺纸、画画、编织刺绣同音乐创作等，总之就可以发挥你嘅无限创意，创作你嘅艺术纪念品。

Soul Room
呢度有唔同种类嘅艺文书籍，可以了解更多关于香港本土文化、设计、艺术同童话故事等。

3楼壁画
3楼嘅壁画就係手绘嘅「霸王别姬」剧照。

自修空间
为咗让视障人仕都可以感受画作，呢度就有唔少突字画喇。

后楼梯壁画
其实酒店真係有好多惊喜，就连后楼梯都唔放过，好多壁画俾你打卡?！

艺廊
位于22楼嘅艺廊可以购买艺术家寄卖嘅作品，同从外地搜购嘅特式艺术品，让屋企都增加唔少艺术气息。

<

Tags：好游,艺文,一日,閑游,油麻地,艺游,东南,Diary,作为

转载：文章来自用户投稿不代表本站观点，如有侵权请联系我们。