〈好食〉一日之计在于Rise　中环Rise by Classified

【A&M Diary】Classified，细细个就听过呢个名。记得大学嗰阵，会专登去Classified食Brunch，好写意！原来Classified旗下啱啱喺中环交易广场开咗全新概念嘅Rise by Classified。餐厅以浅木色为主调，提供一系列手工麵包、健康轻食同咖啡体验。不论朝早叹杯咖啡，又或者食Lunch同Brunch，都适合不过！

Chouquette
Chouquette係法国特色泡芙小食，圆辘辘，细细粒，一啖一粒。佢同平时食开嘅泡芙完全唔同，入面无cream，更加凸出质感，入口较脆，外面仲洒上珍珠糖，甜甜地，吊出麵团嘅味道，口感丰富。

Chocolatine
呢个朱古力丹麦酥睇落无乜特别，不过就係越简单嘅食品，先睇到餐厅嘅功力。外层嘅酥皮层次分明，焗到非常香脆，入边嘅朱古力馅唔会太甜，同酥皮超级夹！

The Spread
哗！个卖相非常吸引，三只颜色，非常抢眼！佢哋分别係甘笋鹰嘴豆蓉、红菜头鹰嘴豆蓉同青豆鹰嘴豆蓉，配上麵包一齐食，味道清新健康。

Rise Burger
平时嘅汉堡多数都係用生菜同蕃茄，Rise Burger用上炒过嘅洋葱同茄子，好香口；再加上厚身嘅牛肉同芝士，真係好满足！再食埋新鲜全茄同酸瓜，一解汉堡包嘅油腻！

Golden Veg
呢度嘅果汁每日新鲜製造，呢支Golden Veg由苹果、鲜橙、甘笋、姜同姜黄製成，入口清新解渴，有淡淡的姜味！

Earthbound
呢到嘅Smoothie都係选用乳清蛋白，非常健康。M佬拣咗呢杯Earthbound Smoothie，由煎茶乳清蛋白、芒果、腰果、菠菜、罗勒同青柠打成，入口香滑清幽，饮得出非常足料！

<

Tags：好食,一日,之计,在于,Rise,中环,Classified

转载：文章来自用户投稿不代表本站观点，如有侵权请联系我们。