〈好游〉百年历史 怡和午炮

【A&M Diary】「2020年12月26日正午12点，呢一刻係属于我哋嘅！」即係咁，虽然M佬同我讲呢句说话係几浪漫，但係喺烈日当空下，真係有啲晒啰！其实今日M佬带我嚟到铜锣湾海傍嘅怡和午炮，同我感受一吓呢个由殖民时期至今嘅传统。

过去的怡和午砲

喺1841年，怡和洋行喺铜锣湾兴建渣甸货仓，当时海盗猖獗，所以设立一座炮台对付海盗；而每次有大人物抵达或离开香港嘅时候，都会鸣放礼炮，以示敬意。直至1850年代，据说怡和洋行总经理Robert Jardine爵士由英国返到香港，员工竟然鸣放代表最高敬意嘅21响礼炮，引起驻港英军不满。最后，怡和洋行为表示歉意，就喺每日正午12点鸣放礼炮报时，以作自我惩罚。加上当时城市未有咁烦嚣，维港两岸都会听到炮声，表示上午工作时段结束。

但喺日军佔港时，大炮被夺去，直至香港重光，英军向怡和洋行送赠可发射6磅重炮弹嘅大炮，令午炮传统得以延续。

今日的怡和午炮

喺1959年，住喺附近嘅居民投诉午炮炮声过响，所以改为现存嘅三磅速射炮，而原有大炮安排放置在右手边地上。

每日早上11:45，负责仪式嘅礼炮师会就会嚟到。直到11:59分，礼炮师会先敲四吓钟，之后会装好炮弹同调整发射角度，到踏正中午12点，Bomb一声，真係好震撼，心都离一离！发射完，礼炮师会再敲四下钟，仪式就正式完结。

鸣砲后就可以把握30分钟嘅开放时间，大家可以入去影相参观。原来近睇支大炮，係有一支“手枪”?！

<

Tags：好游,年历史,怡和,午炮,Diary,2020年,12月,2

转载：文章来自用户投稿不代表本站观点，如有侵权请联系我们。