〈好食〉良心牛丼饭 铜锣湾牛天神

【A&M Diary】喺香港我食过最最最最好味嘅牛丼饭，一定係A姐煮嘅，除咗味道啱晒我口味，仲有佢加入嘅爱心。不过知你无得食A姐嘅爱心牛丼饭，不如食住良心牛丼饭顶住先啦！呢度就係铜锣湾嘅牛天神。

入到嚟牛天神彷彿去咗日本咁，除咗装饰同格局，就连落单嘅贩卖机，都好有日本feel。落完order，坐低就可以饮吓日本餐厅必备嘅冻麦茶，同睇吓日本电视频道先！

别格牛丼饭

哗，咁大碗嘅！饭好多，不过牛肉比例就少啲，但呢个价钱绝对係抵食嘅。一讚嘅係牛肉唔会太肥，食得相对健康。而牛肉汁係另上，锺意多汁定少汁，悉随尊便。至于麵豉汤热辣辣，有齐海带、鱼乾同味噌，好有层次！

<

Tags：好食,良心,牛丼,铜锣,湾牛,天神,Diary,香港,我食,

转载：文章来自用户投稿不代表本站观点，如有侵权请联系我们。