〈好游〉香港红叶季 大埔九担租

【A&M Diary】A姐话难得放假，好想去赏枫打卡。今年虽然去唔到日本，但其实每年12月至翌年嘅1月中都係香港嘅红叶季节，而最热门嘅赏枫地点当然係元朗大棠啦！但A姐嫌大棠人多，又要行少少山路，如果你都有同感，不妨考虑呢个位于大埔乌蛟腾嘅红叶秘景：九担租。

前往方法
1. 喺大埔墟港铁站外嘅小巴总站，乘坐20R绿色专线小巴到乌蛟腾总站，惟班次疏落，约每小时一班，可参阅时间表
2. 喺大埔墟港铁站外嘅巴士总站，乘坐275R九巴到乌蛟腾总站，服务时间只限星期日同公众假期，10-20分钟一班车
3. 我哋就选择自驾游，车可以泊喺村外免费停车场，不过车位唔多，先到先得

提提你
1. 落车后嘅路程只有10分钟，亦係平路为主，但都要量力以为。起点有公厕，但沿路无任何士多补给站，所以大家记住自备所需用品
2. 大家记住保持环境清洁，自己垃圾自己带走，绝对唔可以破坏大自然环境

九担租红叶
落车后其实已经可以远眺红叶，之后往公厕方向行。绕过公厕，行多8分钟，就会去到赏枫嘅地点啦！

一大片嘅红叶林，真係好靓呀！更重要係人少之余，啲红叶够红又近，仲好密集添，A姐表示十分满意！不过，喺红叶林嘅后面就有啲坟墓，大家影相嘅时候唔好太过忘形喇！

同大家分享吓我哋嘅红叶靓相啦！

<

Tags：好游,香港,红叶,大埔,九担,Diary,姐话,难得,放假,

转载：文章来自用户投稿不代表本站观点，如有侵权请联系我们。