〈好游〉新娘潭鬼故 照镜潭瀑布

【A&M Diary】新娘潭最出名嘅就係灵异事件，我哋都有一个同你分享：话说今日M佬带我嚟到新娘潭，但我哋行嚟行去都搵唔到新娘潭瀑布，只係搵到照镜潭瀑布！我哋有试过问中途遇见嘅行山友，但佢哋都话呢度得照镜潭瀑布（好惊呀）！虽然我哋最后去唔到新娘潭瀑布，但好彩照镜潭瀑布又几靓喎！

前往方法
1. 喺大埔墟港铁站外嘅小巴总站，乘坐20R绿色专线小巴到新娘潭站，惟班次疏落，约每小时一班，可参阅时间表
2. 喺大埔墟港铁站外嘅巴士总站，乘坐275R九巴到新娘潭站，服务时间只限星期日同公众假期，10-20分钟一班车
3. 我哋就选择自驾游，车可以停新娘潭外嘅停车场，不过车位唔多，先到先得

提提你
1. 路程约15分钟，上落波幅唔大，适合初级行山人士，但都要量力以为。沿路无洗手间同士多补给站，大家记住自备所需用品。
2. 大家记住保持环境清洁，自己垃圾自己带走，绝对唔可以破坏大自然环境。

新娘潭自然教育径
属于船湾郊野公园一部份，今次我哋所行嘅新娘潭自然教育径简单易行，适合行山初哥，亦係一家大细假日郊游嘅好去处，沿途风景都几靓?！

落车后，沿路行15分钟，路上都有照镜潭指示。

照镜潭瀑布
传说话死去新娘喺呢个潭照镜，所以命名为「照镜潭」。一般人去瀑布都会选择雨水较多嘅夏天，但我哋觉得夏天实在太热，所以选择秋冬时份，估唔到水流都唔少，影相好靓。

<

Tags：好游,新娘,潭鬼,照镜,瀑布,Diary,新娘,潭最,出名,

转载：文章来自用户投稿不代表本站观点，如有侵权请联系我们。