〈好游〉赤柱半日游 週末好去处

【A&M Diary】赤柱係一个充满异国风情嘅海边小镇，亦係外国游客必到嘅香港旅游景点，依家仍然吸引唔少游客嚟到赤柱，令呢度嘅游客比本地人仲要多。今个weekend同A姐嚟到，身边都係外国人，感觉更似係我哋去咗外国添！下个假期嚟赤柱悠闲漫步都唔错?，而且呢度仲有唔少打卡位，拍拖都够晒浪漫。

赤柱市集

市集主要售卖手工艺品，好似皮革、画作同工艺品等，当然游客先会买嘅纪念品呢度都有啦！

民益大排档

位于市集入边，都有两间大排档，其中最出名嘅泗益今日冇开，唯有再畀多次机会民益啦！其实以前嘅民益都唔错?，但可惜一次比一次失望，今次我同M佬一人一碗麵。落单前已经特登叫佢加辣加咖喱汁，但都係淡而无味，而且配料亦唔係花巧嘢，估唔到连红肠都可以係无味嘅。所以大家嚟到赤柱，记住记住记住唔好做傻事啦！

美利楼

喺1982年，政府为咗持续发展中环，将原址位于中环，建于1844年嘅美利楼拆毁，然后将3000几件花岗岩搬去赤柱完整重建，好有历史价值。原本嘅美利楼係军事用途，依家重建活化成为食肆商店。由于具有维多利亚时期色彩，所以係赤柱最靓打卡位置！

<

Tags：好游,赤柱,半日,週末,好去处,Diary,赤柱,一个,充满

转载：文章来自用户投稿不代表本站观点，如有侵权请联系我们。