【香港Staycation】活化怀旧新酒店　太子Hotel 1936

【A&M Diary】A姐话想住新酒店玩Staycation，作为廿四孝男朋友嘅我，当然会满足佢嘅要求，今次一于带佢住1936年开幕嘅酒店啦！A姐一听到1936年就话「吓！你知唔知今年已经2021年喇！」其实呢间位于太子嘅Hotel 1936係由香港古物古蹟办事处评级为三级历史嘅唐楼，经改建活化而成嘅精品酒店，裏面当然有唔少怀旧打卡位。我哋就一于返去30年代嘅香港，怀旧玩转Staycation啦！

酒店大堂
被评为三级历史建筑物嘅唐楼建于1936年，所以酒店命名为「Hotel 1936 」。其实酒店分为2部份：唐楼楼高3层，外墙以至内部都被完整保留同复修活化；而客房区其实係全新兴建，位于唐楼后座位置，楼高20层，以中国传统嘅博古架线条作为大厦外墙设计。

Hotel 1936係以怀旧为主题嘅精品酒店，内部装潢保留住历史嘅味道，好似木门、露台、格仔阶砖等等，充满怀旧气息又不失时尚简约。搭电梯去到位于3楼嘅酒店大堂，就好似坐时光机返到30年代嘅香港，呢度已经有唔少打卡位，即刻同A姐影相啦！另外，酒店位于弥敦道，巴士选择非常多，交通非常方便，至于步行3分钟就到太子站或10分钟就到旺角东站喇！

客房区域
酒店楼高20层，设有50间客房，房型分为经典房同尊贵经典房，我哋今次入住嘅係尊贵经典房。

平时住酒店一係海景，一係就市景，但Hotel 1936嘅景观就係代表香港精神嘅狮子山，绝对係一个先天嘅卖点。配合埋狮子山下嘅九龙市景，单单係呢个view已经係一个打卡位啦！房间面积唔算大，但都係三边落床，床褥属于适中偏硬，加上新酒店新床褥，所以瞓得舒服！

房间内提供免费茶包、雪柜、保险箱、风筒、USB充电插头、免费无线上网，麻雀虽小，五脏俱全。

<

Tags：香港,Staycation,活化,怀旧,新酒店,酒店,太子,

转载：文章来自用户投稿不代表本站观点，如有侵权请联系我们。