〈好食〉丰富海鲜打边炉　西环相马日式火锅

【A&M Diary】近日天气严寒，最啱就梗係打边炉啦！香港人热爱打边炉，所以市场上有好多火锅店，竞争非常激烈，而相马日式火锅就经常推出唔同套餐，所以次次嚟都有啲新鲜感！今日就同A姐嚟到相马日式火锅位于西环全新开业嘅分店，试佢嘅180分钟特盛海鲜套餐，海鲜同肉类都係任食！

汤底
相马嘅汤底选择都好丰富，包括：清汤、甜豉油、蕃茄、豚骨同中华辣汤等，但我同A姐一向都锺意甜豉油汤底，就算係鸳鸯锅，我哋都锺意两边都係甜豉油，一边渌肉，一边渌菜，咁食起上嚟就相对健康。

海鲜拼盘
海鲜係今日嘅重点，当然都係可以无限追加，劲易就回本啦！海鲜选择有蚬、螺、蚝、海虾、大头虾、青口、蟹柳同帆立贝。大头虾上枱时仲劲生猛，成只手掌咁大，虾肉新鲜弹牙，虾头劲多膏呀！蚬够鲜甜又无沙；蚝洗得乾净，胀卜卜好饱满！而将海鲜放入甜豉油汤后，成煲汤劲鲜甜。

牛肩胛
脂肪分布平均，肥瘦适中，牛味浓郁。

豚肉片、滑鸡件肉
除咗牛肉之外，仲有豚肉同滑鸡件。豚肉切得够薄，易熟有口感，豚味十足；而鸡件就够嫩滑。

火锅配料自助吧
自助吧选择唔少，有丸类、菇类、蔬菜、乌冬、响铃等。

熟食
除咗打边炉，呢度仲有鸡翼放题，有成7款口味，仲係单骨鸡翼，唔怕太多，又可以试齐各款口味。另外，仲有天妇罗、炸物、烧物等等，真係好多选择！

<

Tags：好食,丰富,海鲜,打边,西环,相马,日式,火锅,Diary,

转载：文章来自用户投稿不代表本站观点，如有侵权请联系我们。