〈好游〉将会在地图消失 石硖尾大坑西邨

【A&M Diary】香港市区地少人多，加上唔少建筑物嘅楼龄超过50年，除咗翻新，重建係另一个选择。以前太细个，无呢啲概念，唔识用眼睛同相机记住清拆前嘅画面，好似九龙寨城、启德机场、利东街等，依家只可以透过当年嘅新闻报导，去回忆一啲薄弱嘅回忆。喺2020年11月嘅施政报告入面，政府公布平民屋宇有限公司将会同市区重建局合作，重建大坑西邨，就趁重建前，用眼睛记低将会喺地图上消失嘅地方。

提提你
1. 作为旅客嘅我哋记住要保持宁静，唔好影响当地人嘅生活呀！

大坑西邨
香港约有三分之一市民住喺公共屋邨，而首个公共屋邨就係1952年落成嘅上李屋邨。近年落成嘅公共屋邨，虽然生活环境同配套都大大提升，但住客多数为新移民，引发唔少社会问题，亦缺少咗公屋嘅人情味。

至于大坑西邨係因应1953年石硖尾寮屋区发生大火，当时政府以特惠地价批出土地予香港平民屋宇有限公司，喺1961年将被烧毁嘅「光民村」改建而成，提供1600个单位，廉价出租俾低收入人士。以「兴强顺利，康乐安泰」为各座楼宇命名，即1965年入伙嘅民兴楼、民强楼、民顺楼、民利楼、民康楼、民乐楼、民安楼同1981年入伙嘅民泰楼。大坑西邨嘅楼龄已经超过55年，由于屋邨老化，所以将会开始重建，趁推土机动工前，不如用眼同心去感受旧公屋情怀。

希望我哋嘅相片能够为历史出一分力！

<

Tags：好游,将会,地图,消失,石硖尾,大坑,西邨,Diary,香港

转载：文章来自用户投稿不代表本站观点，如有侵权请联系我们。