【十三短打】修夫基，点解要小将承受你嘅痛？

好好哋，谂极都谂唔通，点解修夫基有咁嘅战术同人脚安排。
撰文：球十三 英格兰互射12码饮恨，网民几乎一面倒质疑修夫基嘅领军功力，包括领先下战术过份保守，太迟调动，而临尾至换入準备射12码嘅华舒福同山曹，太冒险啦。佢两个企场边等咗阵，当时一直係生波，我甚至担心佢赶唔切换入场，笑咗。

强如「白比利」薛高，喺1986年世界盃对法国一出场博得12码，跟手操刀都宴客。叫得人射12码，係咪畀多少少时间掂多几个波至主踢？尤其係佢两个今届都係后备，睇多过睇，忽然委以重任，压力千斤重。萨卡今届表现唔错太后生，守尾门射第5球真係啱数？被换走嘅佐敦轩达臣係咪应该留低踢埋？

呢3个宴客英兵，年纪最大係23岁嘅福仔，从此要担起决赛主场倒灶，射失12码嘅罪名。修夫基当年之痛成为佢哋嘅痛，信心受打击，未来日子唔易过。福仔係曼联主将，山曹係準红魔，苏斯克查真係多得修夫基唔少。

不过，十三都唔忍心再踩修夫基，话晒佢呢几年带队唔差，赛后又话肯承担责任，点计，都仲係个球场好汉。

撰文：球十三
足球迷叫第十二人，冇偏爱，冷眼旁观係十三。
email：ballthirteen@hotmail.com
欢迎浏览球十三fb专页，若得到波友一个like，就是我们团队的一大鼓舞：
www.facebook.com/ballthirteen

图片来源 : ?AFP

Tags：十三,短打,修夫,点解,小将,承受,你嘅,好好,谂极,谂唔通

转载：文章来自用户投稿不代表本站观点，如有侵权请联系我们。