【意大利热血球迷】揽文仙尼好过Anson Lo，Ciao！

身边同我一样係嘅朋友，家阵唔係想揽实姜涛就係Anson Lo，唔係话佢两个唔好，但呢刻我最想揽住嗰个，叫文仙尼，好想同佢一齐喊。 谂番转头，意大利3年前踢唔到世界盃，摆到明係俾成个阿伯咁款嘅（教练）云度拉玩谢。型佬文仙尼一上台，几年间就带意大利重返强队行列，睇见爱队一开波就落后而捧盃，仲要连续两场互射12码赢，热血沸腾，之前嘅唔开心一扫而空。

人哋等足55年再入决赛都赢唔到，我哋队等15年就再赢大赛冠军，赚咗。

边个话男人喊係弱者，睇见文仙尼喜极而泣太感动，尤其係佢揽实球员生涯最佳拍档维埃里，同埋因伤唔踢得，要用拐杖嘅主将史边拿索拉（图），我都眼湿湿。呢刻，相信所有意大利球迷都想揽埋一份。

最后多谢编辑老友搵我写稿，如果你睇开呢个专栏，应该感觉到我係个悲观主义者，觉得爱队入4强就收货，点估到成个赛事由头到尾写足7场，见证爱队捧盃喜出望外。结局，预祝意大利出年世界盃再捧盃。有缘再见，Ciao！

撰文：Malena（燕飞）
现在我老了，人家才说「你很好」。

图片来源 : ?AFP

Tags：意大利,热血,球迷,揽文,仙尼,好过,Anson,Ciao,

转载：文章来自用户投稿不代表本站观点，如有侵权请联系我们。