【英格兰热血球迷】血洗背后的屏风防守

已经嚟到第5场冇失波，而且仲要血洗乌克兰，双方实力有分野固然係主因，但球员时代属防守嘅修夫基，英格兰嘅屏风防守，喺今届赛事中，确实只有意大利可媲美。 香港特色屏风楼就係密度高，连风都吹唔入，英格兰嘅防守亦同样越嚟越密不透风，或者真係乌克兰实力问题，全场基本上只到英格兰嘅第二度屏风曼治、菲腊斯、迪勤怀斯已完结组织，偶然会去到哈利麦佳亚同史东斯第三度屏风，但威胁埋门次数不值一提。

由第一场对克罗地亚开始，到呢晚对乌克兰，呢个屏风防守战术运行趋成熟，但同时又搵到入波方式，呢样先係越踢越有嘅威力之处。当然，乌克兰中路防守係有问题，如果唔係点会三狮四个入波都喺禁区中路找到缺口。

有趣嘅问题，哈利简尼已经大师兄归位，攻击又多一办，嚟紧4强，甚至决赛都喺温布莱举行，期待最终战对意大利，两队嘅Plan B都有一定数量选择，毕竟有得选择好重要，唔似喺香港连睇主流新闻都冇得选择，统一口径。

撰文：员A
做体育传媒时咩位置都做过，做网店店长都係一脚踢

图片来源 : ?AFP

Tags：英格兰,热血,球迷,血洗,后的,屏风,防守,已经,5场,冇失

转载：文章来自用户投稿不代表本站观点，如有侵权请联系我们。