【英格兰热血球迷】最强一环碧福特

英格兰主场两球击败德国，跻身8强，除咗多谢汤马士梅拿嘅单刀射失外，最重要係门将佐敦碧福特嘅神救。 其实欧国盃开始前，一直都觉得门将係英格兰最弱一环，但估唔到一路以嚟佐敦碧福特嘅水準，远超咗喺球会爱华顿嘅水準。英格兰已经连续4场保持不失球，对德国神救哈伐斯攻门更係保住球队晋级之位，功不可抹。

当然，防线嘅阵型替碧福特减少唔少压力，哈利麦佳亚嘅复出同史东斯组合愈嚟愈对办，应付高空攻击不成问题，而起用卡尔获加任三中坚之一，填补咗两人嘅回防速度。

哈利简尼喺德国身上终取得士哥，佢需要机会製造者嘅条件，终于有队友现身帮佢打破入球荒；萨卡嘅出现使到边线攻力更多元化。目前唯一改善嘅係史端宁喺进攻上过于独食，就算佢係球队喺今届赛事首席射手。

撰文：员A
做体育传媒时咩位置都做过，做网店店长都係一脚踢

图片来源 : ?AFP

Tags：英格兰,热血,球迷,最强,一环,福特,英格兰,主场,两球,击

转载：文章来自用户投稿不代表本站观点，如有侵权请联系我们。