【铲草男女】C朗巴尔返皇马？ 网民：组元老队？

早前足球网站433喺IG post 咗一段马些路同基斯坦奴朗拿度喺班拿贝庆祝欧联13冠嘅片段。马些路 回覆话“ Soon”。继宾斯马，施丹后，名宿及皇马总监布达坚奴亦表示: “ We'll see.” 之后又到马些路，而且刚刚C朗女朋友洛迪古丝IG story 都post 咗C朗Jr 同马些路囝囝Enzo 喺C朗马德里嘅屋企踢波。传到咁，其实都引起一众球迷极大反应同讨论。
撰文：步大力熊 与此同时，加利夫巴尔（Gareth Bale）刚刚接受访问，佢表示去热刺其实係为咗踢波，佢想争取出场机会去迎战今个夏天嘅欧洲国家盃，之后佢都係计划返皇马完成合约嘅。皇迷听完巴尔咁讲，真係有啲吓亲。如果基斯坦奴朗拿度（Cristiano Ronaldo）同巴尔都返嚟，係咪再会同宾斯马组成欧联3冠嘅「BBC」？ 但事过境迁，反而畀网民笑係咪要组元老队？

有球迷表示想C朗回归，但唔係核心，希望佢可以喺皇马挂靴，但都担心薪酬问题会令皇马引入唔到新星，令到当初年轻化球队嘅想法回背道而驰。不过祖云达斯副会长尼维都表明C朗今个夏天会继续留低。

而一直传皇马想今个夏天引入新星，再打造银河舰队3.0。呼声最高就係多蒙特嘅贺兰同巴黎圣日耳门嘅安巴比，从而增加锋力，但两位转会费嘅标价都非常高。如果皇马想引入其中一个或两个，除咗要同各球会抢，仲要先处理巴尔薪酬同合约问题，但巴尔一直表明唔会减薪，亦想回归皇马，所以引入重磅新星相信会有阻滞。

到底下季皇马会唔会有C朗同巴尔回归，等「BBC」重现？ 定引入新星？如果只可以二选一，我认为皇马应该要以年轻化球队为主，尽量今夏卖走唔啱（施丹）用嘅球员，储多啲银弹，加强锋线嘅攻击力。

撰文：步大力熊
要做一个理性球迷？不了，成为球迷本身就是一件不理性而且疯狂的事。

email：ballthirteen@hotmail.com
欢迎浏览球十三fb专页若得到波友一个like就是我们团队的一大鼓舞：
www.facebook.com/ballthirteen

图片来源 : ?AFP

Tags：铲草,男女,巴尔,皇马,网民,元老,早前,足球,网站,433

转载：文章来自用户投稿不代表本站观点，如有侵权请联系我们。